ރާއްޖެއަށް ބޭސްތަކެއް އެތެރެ ކުރަން އުޅުނު 2 މީހަކު ކޮޗިން އެއަރޕޯޓުން ހައްޔަރުކޮށްފި
ގަވާއިދާ ހިލާފަށް ރާއްޖެއަށް ގިނަ އަދަދެއްގެ ބޭސް އެތެރެކުރަން އުޅުނު 2 މީހަކު އިންޑިޔާގެ ކޮޗިން އިން ހިފަހައްޓައިފިއެވެ.
އިއްޔެގެ ވަގުތެއްގައި ކޮޗިން ކަސްޓަމްސްގެ އެއާ އިންޓެލިޖެންސް ޔުނިޓުން ވަނީ އެ ބޭސްތަކާއި އެކު 2 މީހަކު ހިފަހައްޓާފައިކަމަށާއި އެ ބޭސްތައް ފެނިފައިވަނީ ކޮޗިން އިންޓަނޭޝަނަލް އެއާޕޯޓަށް ގޮސްތިބި 2 ދިވެހިންގެ އަތުން ކަމަށް މީޑިއާ ރިޕޯޓްތައް ބުނެއެވެ.
ގިނަ އަދަދެއްގެ ބޭސް އެކްސްޕޯޓް ކުރާ ނަމަ ހާއްސަ ހުއްދައެއް ބޭނުންވީ ނަމަވެސް އެކަމާ ގުޅޭ އެއްވެސް ލިޔެކިޔުމެއް އަދި ހުއްދައެއްވެސް އެމީހުން އަތުގަ ނެތެވެ. އިންޑިޔާގެ ކަސްޓަމްސްއިން ވަނީ އެމީހުން އަތުން ބޭސްތަށް އަތުލުމަށްފަހު އެމީހުން ދޫކޮށްލައިފައެވެ. އެހެންކަމުން އެމީހުން ވަނީ އިއްޔެގެ ވަގުތެއްގައި ރާއްޖެއަށް އައިސްފައެވެ. އެ މީހުންގެ އަތުން ފެނުނު ބޭހުގެ އަގު ތިން ލައްކަ އާއި ފަސް ލައްކަ ރުޕީސް އަށް އަރާނެކަމަށް ވަނީ މައުލޫމާތު ލިބިފައެވެ.
މިކަމުގެ ސަބަބުން މި ބޭސްތަށް އިތުރަށް ތަހުލީލު ކުރުމުގެ މަސައްކަތް އިންޑިޔާގެ ކަސްޓަމްސްއިން މިހާރު ކުރަމުން އަންނައިރު، މަސްތުވާ ޒާތުގެ ބޭސް އޭގެތެރޭގައި ހުރިތޯ ބެލުމަށް އެ ބޭސްތަށް އިތުރަށް ތަހުލީލު ކުރުމުގެ މަސައްކަތްކުރަމުން އަންނަ ކަމަށާއި މިއީ ވަގަށް ބޭސް ބޭރުކުރުމުގައި ހަރަކާތްތެރިވާ ނެޓްވޯކެއްގެ ތެރެއިން ހިނގި ކަމެއްތޯ ވެސް ބަލަމުން އަންނަ ކަމަށް އިންޑިޔާގެ ކަސްޓަމްސްއާ ހަވާލާދީ އެޤައުމުގެ މީޑިއާ ރިޕޯޓުތަކުން ވަނީ ބުނެފައެވެ.
އިންޑިޔާގެ ކޮޗިންއިން އިން ރާއްޖެއަށް ގިނަ އަދަދެއްގެ ބޭސްތަކެއް އެތެރެ ކުރަން މަސައްކަތް ކޮށްފައި މި ދަނޑިވަޅަކީ ރާއްޖޭގައި އާންމުކޮށް ބޭނުންކޮށް އުޅޭ ބޭސް ލިބުން ދަތި ދުވަސްވަރެކެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
