ބޭރުމަގުގައި ގަވާއިދާ ހިލާފަށް ޕާކުކޮށްފައިވާ އުޅަނދުތައް ޓޯކުރުން ފަށައިފި
ލިޔުންތެރިޔާ
އަހުމަދު ހަމީދު އާދަމް
މާލެ، ބޮޑުތަކުރުފާނުމަގުގައި ގަވާއިދާ ހިލާފަށް ޕާކުކޮށްފައިވާ އުޅަނދު ޓޯކުރަން ފަަށައިފި އެވެ.
ބޭރުމަގު ތަރައްގީ ކުރުމަށް ފަހު ޕާކިން ޒޯނެއްގައި ފިޔަވާ ޕާކުކުރުން އޮތީ މަނާކޮށްފަ އެވެ. ނަމަވެސް ގަވާއިދާ ހިލާފަށް ޕާކުކުރުމުގެ މައްސަލަ ވަރަށް ބޮޑުވި އެވެ.
ފުލުހުން މިރޭ ބުނީ ބޮޑުތަކުރުފާނުމަގުގައި ގަވާއިދާ ހިލާފަށް ޕާކުކޮށްފައިވާ އުޅަނދު ޓޯކުރަން ފަަށާފައިވާ ކަމަށެވެ. މި މަސައްކަތުގެ ތެރެއިން، ރެއިންފެށިގެން މިހާތަނަށް ހަތަރު ފުރޮޅުލީ ނުވަ އުޅަނދު ވަނީ ޓޯކޮށްފައެވެ.
ގަވާއިދާ ހިލާފަށް ޕާކުކޮށްފައިވާ އުޅަނދުތައް މަގުމަތިން ނެގުމަށް ފުލުހުން ކުރަމުންދާ މި މަސައްކަތް މިރޭވެސް ކުރިއަށް ގެންދިއުމަށް ވަނީ ހަމަޖެހިފައި ކަމަށް ބުންޏެވެ.
އެހެންކަމުން، މަގުމަތީގައި ގަވާއިދާ ހިލާފަށް އުޅަނދު ޕާކުނުކުރުމަށާއި، އަދި އެގޮތަށް ޕާކުކޮށްފައިވާ އުޅަނދުތައް ނެގުމަށް އެންމެހައި ފަރާތްތަކަށް ދިވެހި ފުލުހުންގެ ޚިދުމަތުން ވަނީ އިލްތިމާސްކޮށްފަ އެވެ. މި މަސައްކަތުގައި އާންމު ރައްޔިތުންގެ ފަރާތުން ލިބެމުންދާ އެއްބާރުލުން ފާހަގަކޮށް، ފުލުހުން ވަނީ ޝުކުރު އަދާކޮށްފަ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
