ސްކޫލް ނިމޭ މަރުޙަލާ، އޭލެވެލް އަށް މަތިކުރަނީ
ލިޔުންތެރިޔާ
ޚަދީޖާ އަރުފާ
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވެރިކަމުގެ މި ފަސް އަހަރުގެ ތެރޭގައި ރާއްޖޭގައި ސްކޫލު ނިމޭ މަރުހަލާއަކީ އޭލެވެލްކަމުގައި ހަދަން މަސައްކަތް ކުރައްވަމުންދާ ކަމަށް ތަޢުލީމީ ވަޒީރު ޑރ. އިސްމާއީލް ޝަފީއު ވިދާޅުވެއްޖެއެވެ.
މަތީ އަރުތަވެރިންގެ އިނާމު ދިނުމަށް ރޭ ބޭއްވި ރަސްމިއްޔާތުގައި ވާހަކަ ދައްކަވަމުން ވަޒީރު ވިދާޅުވީ، އޭލެވެލް ކިޔަވާ ކުދިންގެ އަދަދު އިތުރު ކުރުމަށް މިދިޔަ އަހަރު އަތޮޅުތަކުގައި ސަރުކާރުން 23 ސްކޫލެއްގައި ޕައިލެޓް ޕްރޮޖެކްޓް ފަށާފައިވާ ކަމަށެވެ.
އޭގެ ސަބަބުން ރާއްޖޭގައި އޭލެވެލް ކިޔަވަން ފެށި ދަރިވަރުންގެ އަދަދު 38 ޕަސެންޓު އިތުރުވެފައިވާ ކަން ވަޒީރު ފާހަގަކިރެއްވިއެވެ.
އެހެން ނަމަވެސް އަދިވެސް، ގިނަ އަދަދެއްގެ ދަރިވަރުން އޭލެވެލް ތައުލީމުން މަހުރޫމުވާ ކަމަށާ ސަރުކާރުން މަސައްކަތް ކުރަނީ ދަރިވަރުން ބާކީ ކުރުމުގެ ސަގާފަތް ނައްތާލުމަށް ކަމަށްވެސް ވަޒީރު ވިދާޅުވިއެވެ.
"ރާއްޖޭގައި އޭލެވެލް އެއީ ސްކޫލް ނިންމާ މަރުހަލާގެ ގޮތުގައި އިރާދަ ކުރެއްވިއްޔާ މި ފަސް އަހަރު ނިމިގެންދާއިރު ކަނޑައެޅިގެން ދިއުމަކީ އެއީ ރާއްޖޭގެ ކުރިއެރުމަށް ލިބޭނެ ވަރަށް ވަރަށް ބޮޑު ކަމެއް ކަމުގައި އަޅުގަނޑު ފާހަގަ ކުރަން. [ރައީސް މުޢިއްޒުގެ] މަނިކުފާނުގެ ލަފާފުޅާއި އިރުޝާދާއެކުގައި އިރާދަ ކުރެއްވިއްޔާ އަޅުގަނޑުމެންނަށް އެކަން ހާސިލް ވެގެންދާނެ"
ވަޒީރު ޝަފީޢު
އޯލެވެލް ނިންމާ ގިނަ ދަރިވަރުން އޭލެވެލް ކިޔެވުމުގެ މަގުފަހި ކުރުމަށް މި ސަރުކާރުން ވަނީ އޯލެވެލްގެ ތިން މާއްދާއިން ނުވަތަ އެއް މާއްދާއިން ފާސްވާ ކުދިންނަށް ވެސް އޭލެވެލް ކިޔެވުމުގެ ފުރުސަތު ދޭން ފަށާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
