ވިލިމާލޭ ޕީއެންސީ ކެންޑިޑޭޓަށް އޮތް ތާޢީދު ދައްކާލީ ތިމާވެއްޓާ ރައްޓެހި ސައިކަލު ބުރަކުން
2024 ވަނަ އަހަރުގެ ރައްޔިތުންގެ މަޖިލީހުގެ ވިލިމާލޭ ދާއިރާއަށް ވާދަކުރައްވާ ސަރުކާރު ކެންޑިޑޭޓު، މުޙައްމަދު އިސްމާޢީލަށް އޮތް ތާޢީދު ތިމާވެއްޓާ ރައްޓެހި ސައިކަލު ބުރަކުން ވިލިމާލެ ރައްޔިތުން ދައްކާލައިފިއެވެ.
މި ހަރަކާތް ކުރިއަށް ދިޔައީ އިއްޔެ ހަވީރުގެ ވަގުތެއްގައެވިލި
މި ހަރަކާތާ ގުޅޭގޮތުން އެ ހަރަކާތް ހިންގުމުގައި އިސްކޮށް އުޅުއްވި ފަރާތެއް 'ވޮއިސް' އަށް މައުލޫމާތު ދެއްވަމުން ވިދާޅުވީ، މި ހަރަކާތަކީ ވިލިމާލެއިން މުޙައްމަދު އިސްމާޢީލަށް ތާޢީދު އޮތް މިންވަރު ދައްކާލުމުގެ ގޮތުން ބޭއްވިގެންދިޔަ ހަރަކާތެއް ކަމަށެވެ.
ގިނަ އަދަދެއްގެ ޒުވާނުން ބައިވެރިވި މި ސައިކަލު ބުރަކީ މީގެ ކުރިން ކެންޑިޑޭޓުންގެ ތާޢިދު ދައްކާލުމަށް ބާއްވާ ބޮޑެތި ސައިކަލު ބުރުތަކާ ތަފާތު ސައިކަލުބުރެއްކަމަށެވެ.
އެގޮތުން، ވިލިމާލޭގައި ބޭއްވުނު ސައިކަލު ބުރު ތަފާތުވެގެންދަނީ، މި ސައިކަލުބުރަކީ އިންޖީނާ ނުލާ ދުއްވާ ބެޓެރި ސައިކަލުތަކަކަށް ވުން ކަމުގައެވެ. ތިމާވެއްޓާ ރައްޓެހި ގޮތަކަށް ސައިކަލު ބުރެއް މިގޮތަށް ގެންދިޔަ މިއީ ފުރަތަމަ ފަހަރެވެ.
އިއްޔެ ހަވީރު 17:15 ހާއިރު ފެށި މި ސައިކަލު ބުރު ނިންމާލީ ވިލިމާލޭ ބީޗް ސައިޑް ރެސްޓޯރެންޓެއްގައި އޮތް ރޯއްދަވީލުމަކާ އެކުގައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
