އުފެއްދުންތެރިކަމުގެ ޤައުމީ މައުރަޒުގައި ބައިވެރިވުމުގެ ފުރުސަތު ހުޅުވާލައިފި

ދިވެހިންގެ އުފެއްދުންތެރިކަމުގެ ޤައުމީ މައުރަޒުގައި ބައިވެރިވުމުގެ ފުރުސަތު ހުޅުވާލައިފިއެވެ.

އޮކްޓޯބަރުމަހު ބޭއްވުމަށް ހަމަޖެހިފައިވާ މި މައުރަޒާ ގުޅޭގޮތުން ބިޒްނަސް ސެންޓަ ކޯޕަރޭޝަނުން ބުނީ، މޯލްޑިވްސް އެކްސްޕޯ 2026 ގައި ބައިވެރިވުމަށްއެދި ހުށަހެޅުމުގެ ފުރުޞަޠު އެކަމަށް ހާއްސަ ޕޯޓަލް މެދުވެރިކޮށް މިހާރު ހުޅުވާލާފައިވާކަމަށެވެ. މީގެ އިތުރުން މައުރަޒުގައި ބައިވެރިވުމާއި ތަކެތި ބައިވެރިކުރުމުގެ އުސޫލް ގެޒެޓްކޮށްފައިވާކަމަށް ބީސީސީން ބުންޏެވެ.

މައުރަުގައި ބައިވެރިވާ ފަރާތްތަކަށް  ޕޯތަލް މެދުވެރިކޮށް ބައިވެރިވުމުގެ ފުރުސަތު https://www.expo.mv ހުޅުވާލާފައިވާއިރު، މައުރަޒު ބާއްވާނީ ގިނަ ބަޔަކަށް ބައިވެރިވުމުގެ ފުރުސަތު ލިބޭގޮތަށްކަމަށް އިކޮނޮމިކް މިނިސްޓްރީން ވަނީ ބުނެފައެވެ. މިއަހަރު ކުރިއަށްގެންދިއުމަށް ނިންމާފައިވަނީ އޮކްޓޯބަރުމަހުގެ 23 ވަނަ ދުވަހުން ފެށިގެން 31 ވަނަ ދުވަހުގެ ނިޔަލަށްކަމަށެވެ.

މިދިޔަ އަހަރުވެސް ދިވެހިންގެ އުފެއްދުންތެރިކަމުގެ މައުރަޒު ވަނީ ކާމިޔާބުކަމާއެކު ބާއްވާފައެވެ. އެގޮތުން އެ މައުރަޒަކީ މިހާތަނަށް ރާއްޖޭގައި ބޭއްވިގެންދިޔަ އެންމެ ބޮޑު މައުރަޒުކަމަށް އިކޮނޮމިކް މިނިސްޓްރީން ވަނީ ފާހަގަކޮށްފައެވެ.

އުފެއްދުންތެރިކަމުގެ ޤައުމީ މަޢުރަޒަކީ ދިވެހި އުފެއްދުންތެރިކަން ކުރިއެރުވުމަށާއި، ދިވެހި ފަންނުވެރިންނަށް އެ ފަރާތްތަކުގެ އުފެއްދުންތައް މާކެޓްކުރުމުގެ ފުރުޞަތު ހޯދައިދިނުމުގެ މަޤްޞަދުގައި ބޭއްވޭ މަޢުރަޒެކެވެ.