ރާއްޖެއަށް އެތެރެކުރަން އުޅުނު 1 ކިލޯއަށްވުރެ ގިނަ މަސްތުވާތަކެތި އަތުލައިގަނެފި
ލިޔުންތެރިޔާ
އަބްދުﷲ ހުސައިން
ބެންކޮކްމަގުން ރާއްޖެއަށް އެތެރެކުރަން އުޅުނު 1 ކިލޯއަށްވުރެ ގިނަ މަސްތުވާތަކެތި ކަސްޓަމްސްއިން އިއްޔެ އަތުލައިގަނެފިއެވެ.
މޯލްޑިވްސް ކަސްޓަމްސް އިން ބުނީ ވައިގެ މަގުން ރާއްޖެއަށް އެތެރެކުރަން އުޅުނު 1.86 ކިލޯގެ މަސްތުވާތަކެތި އަތުލައިގަނެފައިވާކަމަށެވެ. މިތަކެތި އަތުލައިގަތީ ބެންކޮކުން ރާއްޖެ އައި ދިވެއްސެއްގެ ދަބަހުގެ ތެރެއިންނެވެ. އުމުރުން 33 އަހަރުގެ އެމީހާގެ ދަބަހުން އެތަކެތި އަތުލައިގަތީ މަސްތުވާތަކެތި ހުރިކަމަށް ޝައްކުކުރެވިގެން، ބަލާފާސްކުރުމުގެ ތެރޭގައެވެ.
ކަސްޓަމްސްއިން ބުނީ އެތަކެތި ޓެސްޓްކުރުމުން މަސްތުވާތަކެތީގެ ބާވަތެއް ކަމަށްވާ މެފެޑްރޯން އަށް ޕޮޒިޓިވްވެފައިވާކަމަށެވެ. އަތުލައިގަތް 1.86 ކިލޯގެ މަސްތުވާތަކެތީގެ އަގު 3.34 މިލިއަން ރުފިޔާއަށް އަރާނޭކަމަށްވެސް ކަސްޓަމްސްއިން ބު
މި މައްސަލާގައި އަތުލައިގަތް މަސްތުވާތަކެއްޗާއި އެމީހާ މިހާރުވަނީ ފުލުހުންގެ ބެލުމުގެ ދަށުގައެވެ.
މިދިޔަ އަންގާރަ ދުވަހު، މެލޭޝިއާއިން ރާއްޖެއައި އިންޑިއާގެ 41 އަހަރުގެ ފިރިހެނަކާއ،ި 38 އަހަރުގެ އަންހެނެއްގެ ދަބަހުންވެސް ދެ މިލިއަން ރުފިޔާގެ މަސްތުވާތަކެތި ވަނީ އަތުލައިގަނެފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
