ސީލައިފްގެ ފްލެޓްތަކަށް ފައިސާދެއްކި މީހުންނަށް އަނބުރާ ފައިސާދެނީ
ސީލައިފް ގްލޯބަލްގެ ފްލެޓްތަކަށް ޑައުންޕޭމަންޓް ފައިސާ ދެއްކި ފަރާތްތަކުގެ ފައިސާ ދައުލަތުން އެފަރާތްތަކަށް ދިނުމަށް ނިންމައިިފިއެެވެ.
މިގޮތަށް ނިންމާފައިވަނީ އެ މައްސަލައާއި ގުޅިގެން ކޯޓުން ބޭރުގައި ސޮއިކުރެވުނު ސެޓްލްމެންޓް އެގްރީމެންޓްއަކާއި ގުޅިގެންނެވެ.
އެ އެއްބަސްވުމުގައި ވާގޮތުގައި ދައުލަތުން ސީލައިފަށް ދޭން ޖެހޭ 12 މިލިއަން ޑޮލަރުގެ ތެރެއިން އެ ފައިސާ 203 މީހުންނަށް ދޭންޖެހެއެވެ. އެނގިފައިވާ ގޮތުގައި އެ ބާރަ މިލިޔަން ޑޮލަރަކީ މީގެ ކުރިން ސީލައިފްއާއި 2011ވަނަ އަހަރު ހަވާލުކުރެވުނު މަޝްރޫއުއެއްގެ އެއްބަސްވުން އުވާލުމުން ލިބުނު ގެއްލުމުގެ ގޮތުގައި ދޭންޖެހޭ އަދަދެކެވެ.
މި އެއްބަސްވުމަށް އާދެވިފައިވަނީ ދައުވާ ކުރާ 203 މީހުންނާއި، ސަރުކާރާއި، އެޗްޑީސީ އާއެކު މަޝްވަރާ ކުރުމަށް ފަހުގައެވެ. މި އެއްބަސްވުމަށް އަމަލުކުރުމަށް ސިވިލް ކޯޓުން ވަނީ ހުކުމްކޮށްފައެވެ.
މީގެ އިތުރުން ފްލެޓްތަކުގެ މަޝްރޫއު އަލުން ހިންގުމަށް ސީލައިފަށް ފުރުސަތު ދޭންވެސް ނިންމިކަމަށް އެނގިފައިވެއެވެ. އެ ހުކުމްގައިވާ ގޮތުގައި ސީލައިފް މައްސަލައިގެ ފަރުދީ ޒިންމާ އައްމަޓީ އުފުލާކަށް ނުޖެހޭނެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
