ޔާމީންގެ މިސްރާބު މިފަހަރު މަޑުއްވަރީ ދާއިރާއަށް
މިއަހަރުގެ ރައްޔިތުންގެ މަޖިލީހުގެ އިންތިޚާބުގައި މަޑުއްވަރީ ދާއިރާގެ މަޖިލިސް މެންބަރުކަމަށް ވާދަކުރެއްވުމަށް ވެލިދޫ ދާއިރާގެ މެންބަރު އަދި އެމްޓީޑީގެ ނައިބު ރައީސް ޔާމީން ރަޝީދު ނިންމަވައިފިއެވެ.
މިކަން ޔާމީން ވަނީ ވޮއިސްއަށް ކަށަވަރުކޮށްދެއްވާފައެވެ.
ޔާމީން ވިދާޅުވީ ރ.މަޑުއްވަރީ ދާއިރާއަށް ކުރިމަތިލައްވަން ގަސްދުކުރެއްވީ، އެ އަތޮޅަކީ އެމްޓީޑީގެ ވަރުގަދަ އަތޮޅަކަށް ހެދުމުގެ ވިސްނުންފުޅެއް ގެންގުޅުއްވާ، އެ ދާއިރާގެ ރަށްތަކުގެ ތަރައްގީއަށް މަސައްކަތްޕުޅު ކޮށްދޭން ބޭނުންފުޅުވާތީ ކަމަށެވެ.
ޔާމީން އިތުރަށް ވިދާޅުވީ އެބޭފުޅާއަށް ޓިކެޓް އަރުވާނެތޯ ނިންމާނީ ޕާޓީގެ ކައުންސިލުން ކަމަށާއި، ޓިކެޓް ލިބިވަޑައިގަންނަވާނެކަމަށް އުއްމީދުކުރައްވާ ކަމަށެވެ.
އެމްޓީޑީން ވަނީ އެޕާޓީގެ ޓިކެޓްގައި މަޖިލިސް އިންތިޚާބުގައި ވާދަކުރަން ބޭނުންވާ ފަރާތްތަކަށް އެފުރުސަތު ފެބްރުއަރީ 1 އަކުން ފެށިގެން ފެބްރުއަރީ 9 ވަނަ ދުވަހުގެ 18:00 އާ ހަމައަށް ވަނީ ހުޅުވާލާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
