މިހާތަނަށް 56 ޑައިވަރަކު ރެސްކިއު ޑައިވް ކޯސް ފުރިހަމަކޮށްފި: ވަޒީރު ޝިޔާމް

މިހާތަނަށް 56 ޑައިވަރަކު ރެސްކިއު ޑައިވް ކޯސް ފުރިހަމަކޮށްފިކަމަށް މަސްވެރިކަމާއިބެހޭ ވަޒީރު އަޙްމަދު ޝިޔާމް ވިދާޅުވެއްޖެއެވެ.

ވަޒީރު މިފަދައިން ވިދާޅުވެފައިވަނީ މިސަރުކާރުގެ ސިޔާސަތުގެ ތެރޭގައި ހިމަނައިގެން ކުރިއަށް ގެންދާ މަސްވެރިކަން ކުރާ ކޮންމެ އޮޑިޔަކަށް މަދުވެގެން އެއް ފަޅުވެރިއަކު ރެސްކިއު ޑައިވަރުންގެ ފެންވަރުގެ ސަނަދެއް ހާސިލުކޮށްފައިވާ މީހަކަށް ހަދަން މި ސަރުކާރުން ހިންގާ ޕްރޮގްރާމާއި ގުޅޭގޮތުން މިއަދު ކުރެއްވި އެކްސް ޕޯސްޓެއްގައެވެ.

އެ ޕޯސްޓުގައި ވަޒީރު ވިދާޅުވީ ރައީސް ޑރ. މުހައްމަދު މުއިއްޒު ކަނޑައަޅުއްވާފައިވާ މަސްވެރިކަމުގެ ސިޔާސަތު ތަންފީޒު ކުރުމަށް އެ މިނިސްޓްރީން ކުރަމުން އަންނަ މަސައްކަތުގެ ތެރެއިން ފަޅުވެރިން ތަމްރީނު ކުރަމުން އަންނަ ކަމަށެވެ.

އެގޮތުން މިހާތަނަށް އެ މިނިސްޓްރީން ހިންގާ ޕްރޮގްރާމުގެ އެހީގައި ދެކުނުގެ 56 ދޯންޏަކުން 56 ފަޅުވެރިއަކު ރެސްކިއު ޑައިވް ފުރިހަމަކޮށްފައިވާ ކަމަށް ވަޒީރު ޝިޔާމުގެ ޕޯސްޓުގައި ވިދާޅުވެފައިވެއެވެ.

އެގޮތުން ރަށްރަށުން ޑައިވަރުން ތަމުރީނު ކުރި އަދަދުތަކަކީ

ގދ. މަޑަވެލި 08

ގއ. ކޮލަމާފުށި 05

ގއ. ވިލިނގިލި 14

ގއ. ދެއްވަދޫ 07

ގއ. ނިލަންދޫ 04

ގއ. ދާންދޫ 07

ސ. މަރަދޫ 11

މި ޕްރޮގްރާމަކީ ރައީސުލްޖުމުހޫރިއްޔާ ޑރ.މުހައްމަދު މުއިއްޒުގެ އިސްނެންގެވުމުގެ މަތިން ސަރުކާރުގެ ސިޔާސަތުގެ ތެރޭގައި ހިމެނިގެން ކުރިއަށް ގެންދެވޭ ޕްރޮގްރާމެކެވެ.

މީގެ އެންމެ ފުރަތަމަ ޕްރޮގްރާމް ހިންގާފައި ވަނީ ރާއްޖޭގެ ދެކުނުގެ މަސްވެރިންނަށް އަމާޒުކޮށްގެންނެވެ. މަސްވެރިކަމާ ބެހޭ ވުޒާރާއިން އަންނަނީ މީގެ އިތުރުންވެސް މަސްވެރިކަމަށް ޒަމާނީ ބަދަލުތައް ގެނައުމަށް ވަރަށް ބޮޑަށް މަސައްކަތް ކުރައްވަމުންނެވެ.