ިއައިޖީއެމްއެޗްއަށް ނަރުހުން ހޯދަން އިއުލާންކޮށްފި

ސަރުކާރުގެ ހޮސްޕިޓަލް، އައިޖީއެމްއެޗްއަށް ނަރުހުން ހޯދުމަށް އިއުލާންކޮށްފިއެވެ.

އައިޖީއެމްއެޗްއަށް ހޯދަން އިއުލާންކޮށްފައިވަނީ 34ނަރުހުންނެވެ.

އެ މަގާމަށް ކުރިމަތިލުމުގެ ޝަރުތަކީ ތެރޭގައި ނާސިންގްގެ ދާއިރާއިން ރާއްޖޭގެ ގައުމީ ސަނަދުތަކުގެ އޮނިގަނޑުގެ ލެވެލް 5 ނުވަތަ 6 ގެ ސަނަދެއް ހާސިލްކޮށްފައިވުމެވެ.

މި ނަރުހުންގެ މުސާރައެއްގެ ގޮތުގައި ހަމަޖައްސާފައިވަނީ ވަނީ -/9060 އާއި -/9210 އާއި ދެމެދު އެވެ. އަދި ނިކުންނަ ކޮންމެ ދުވަހަކަށް ސާވިސް އެލަވަންސްގެ ގޮތުގައި -/188 ރުފިޔާ ވަނީ ކަނޑާއަޅާފަ އެވެ.

އައިޖީއެމްއެޗުން ބުނީ ނަރުހުންގެ މަގާމަށް ޝައުގުވެރިވާ ފަރާތްތަކުން މި މަހުގެ 25ގެ ކުރިން ވަޒީފާއަށް އެދޭ ފޯމާއި އެހެނިހެން ލިޔުންތައް އެ ހޮސްޕިޓަލްގެ 11 ވަނަ ފަންގިފިލާއަށް ހުށަހަޅަން ޖެހޭނެ ކަމަށެވެ.