މާލެ ސިޓީގެ ބައެއް ސަރަހައްދު ތަކުން މިއަދު ކަރަންޓް ކެނޑިދާނެ: ސްޓެލްކޯ

ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތަށް މާލެ ސިޓީގެ ބައެއް ސަރަހައްދު ތަކުން މިއަދު ކަރަންޓްގެ ޚިދުމަތް މެދުކެނޑިދާނެ ކަމަށް ސްޓެލްކޯއިން ބުނެފިއެވެ.

އެގޮތުން ސްޓެލްކޯއިން ބުނީ، ބަޑިފަސްގަނޑު މަގު، ބިންހިމަ ގޯޅި އަދި ކޯރުކެނޑި މަގު ހިމެނޭ ސަރަޙައްދުން މިއަދު (25 ފެބުރުވަރީ 2025) ހެނދުނު ⁦‪09:30‬⁩ އާއި ⁦‪11:30‬⁩ އާ ދެމެދު ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއް ކަމަށެވެ.

އަދި، މިއަދު މެންދުރުފަހު ⁦‪14:00‬⁩ އާއި ⁦‪16:00‬⁩ އާ ދެމެދު ކަނބާ އައިސާރަނި ހިނގުން އަދި ސަބްދެލި މަގު ހިމެނޭ ސަރަޙައްދުންވެސް ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއް ކަމަށް އެ ކުންފުނިން ބުނެއެވެ.

މިކަމާއި ގުޅިގެން ދިމާވެދާނެ ދަތިތަކަށް ސްޓެލްކޯއިން މަޢާފަށް އެދެއެވެ.

ސްޓެލްކޯއިން މިފަދަ މަސައްކަތްތައް ކުރަމުންދަނީ މާލެ އާއި ހުޅުމާލޭ ކަރަންޓުގެ ވިއުގަ އިތުރަށް ހަރުދަނާކޮށް، ރައްޔިތުންނަށް ދެމުންދާ ޚިދުމަތް އިތުރަށް ރަނގަޅުކުރުމުގެ މަޤްޞަދުގައި ކަމަށް އެކުންފުނިން ބުނެއެވެ.

މިފަދަ މަސައްކަތްތަކުގެ ސަބަބުން ވަގުތީގޮތުން ކަރަންޓު ކެނޑުނު ނަމަވެސް، ދިގު މުއްދަތަކަށް ބަލާއިރު މިއީ ރައްޔިތުންނަށް ލިބޭނެ ފައިދާއެއް ކަމުގައި ސްޓެލްކޯއިން ދެކެއެވެ.