ދެމެހެއްޓެނިވި ގޮތުގައި ސުލްހަ ކުރިއެރުވުމަށް ކުޅިވަރުގެ ދައުރު ފުޅާކުރުމަކީ އަމާޒެއް: ޜައީސް ޑރ.މުއިއްޒު

ދެމެހެއްޓެނިވި ގޮތުގައި ސުލްހަ ކުރިއެރުވުމަށް ކުޅިވަރުގެ ދައުރު ފުޅާކުރުމަކީ އަމާޒެއްކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.

ބައިނަލްއަޤްވާމީގޮތުން ދުނިޔޭގައި މިއަދު ފާހަގަކުރަމުންދާ "އިންޓަރނޭޝަނަލް ޑޭ އޮފް ސްޕޯޓް ފޯ ޑިވެލޮޕްމަންޓް އެންޑް ޕީސް" ދުވަހާ ގުޅިގެން މީސްމީޑިއާގެ ވަސީލަތްތަކުގައި ކުރެއްވި ޕޯސްޓެއްގައި ރައީސް ޑރ.މުއިއްޒުި ވިދާޅުވީ، ސުލްހަ ކުރިއެރުވުމަށް ވަރުގަދަ ވަސީލަތެއްގެ ގޮތުގައި ކުޅިވަރު ހެދުމަކީ އެމަނިކުފާނުގެ އަމާޒުކަމަށެވެ. ރައީސް ވިދާޅުވީ މި އަމާޒަށް ވާސިލުވުމަށްޓަކައި ކުޅިވަރުގެ ދައުރު ހަރުދަނާކުރުމަކީވެސް އަޒުމެއްކަމަށެވެ.

އެގޮތުން އެ އަމާޒަށް ވާސިލްވުމަށްޓަކައި އެ މަސައްކަތުގައި ބައިވެރިވާ ހަމަ މުޖުތަމައުއެއް ޤާއިމްކުރުމަކީވެސް ގެންގުޅުއްވާ ތަސައްވުރެއްކަމަށްވެސް ރައީސްގެ ޕޯސްޓްގައި ފާހަގަކުރެއްވިއެވެ.

މި ޕޯސްޓްގައި ރައީސް ޑރ.މުއިއްޒު ވިދާޅުވެފައިވަނީ، ކުޅިވަރުގެ ދައިރާ ހަރުދަނާކުރުމަށް ކުރަމުންގެންދާ މަސައްކަތުގެ ދަށުން އެ ދާށއިރާ ކުރިއެރުވުމަށްޓަކައި 20 އަހަރުގެ ނެޝަނަލް ސްޕޯޓްސް ޑިވެލޮޕްމަންޓް ޕްލޭނެއް އެކުލަވާލުމުގެ މަސައްކަތް ސަރުކާރުން ފަށާފައިވާކަމަށެވެ. މިއީ ހަމަ ކޮންމެ މީހަކަށްމެ ކުޅިވަރުގެ މައިދާނުގައި އަމަލީގޮތުން ބައިވެރިވުމުގެ ފުރުސަތު ފަހިކޮށްދިނުމުގެ ގޮތުން ކުރެވޭ މަސައްކަތެއްކަމަށް ރައީސް ވިދާޅުވިއެވެ.

ކޮންމެ އަހަރެއްގެވެސް އޭޕްރިލްމަހުގެ 6 ވަނަ ދުވަސް "އިންޓަރނޭޝަނަލް ޑޭ އޮފް ސްޕޯޓް ފޯ ޑިވެލޮޕްމަންޓް އެންޑް ޕީސް" ދުވަހުގެ ގޮތުގައި ބައިނަލްއަޤްވާމީ ގޮތުން ފާހަގަކުރެއެވެ.