ޚަދްލަޖް ބްރޭންޑުގެ އައު ސެންޓުތަކެއް ޕޮއިސް ޕާފިއުމްސްއިން ރާއްޖެއަށް ތަޢާރަފުކޮށްފި

ދުނިޔޭގެ މަޝްހޫރު ލަގްޒަރީ ސެންޓު ބްރޭންޑެއް ކަމަށްވާ "ޚަދްލަޖް" ގެ އެންމެ ފަހުގެ އައު ސެންޓުތައް، އެ ބްރޭންޑުގެ ރާއްޖޭގެ ރަސްމީ އޮތޮރައިޒްޑް ޑިސްޓްރިބިއުޓަރު ކަމަށްވާ ޕޮއިސް ޑިސްޓްރިބިއުޓާރސް ޕްރައިވެޓް ލިމިޓެޑް އިން ބާޒާރަށް ނެރެ ވިއްކަން ފަށައިފިއެވެ.

ޔުނައިޓެޑް އަރަބް އެމިރޭޓްސްގެ ދުބާއީއަށް ނިސްބަތްވާ "ޚަދްލަޖް" އަކީ ބައިނަލްއަގުވާމީ މާކެޓުގައި ބޮޑު މަގުބޫލުކަމެއް ހޯދާފައިވާ ބްރޭންޑެކެވެ. މި ބްރޭންޑުގެ އެންމެ ޚާއްޞަ ސިފައަކީ މެދުއިރުމަތީގެ އަރަބި ސަގާފީ މުއްސަނދި ވަސްތަކާއި ފަރަންސޭސިވިލާތުގެ ޒަމާނީ ފަންނުވެރިކަން އެއްކޮށްލައިގެން ތައްޔާރުކުރާ މޮޅު ވަސްތަކެވެ.

ފޭރާމާއި ހަށިގަނޑުގައި ގިނައިރު ވަސް ދެމިހުންނަ ގޮތަށް އުފައްދާ މި ސެންޓުތަކަކީ ލަގްޒަރީ އިހުސާސެއް ކުރުވައިދޭ ފެންވަރު ރަނގަޅު އުފެއްދުންތަކެކެވެ.

ރާއްޖޭގައި އެންމެ ފުޅާ ދާއިރާއެއްގައި ޕާފިއުމާއި ކޮސްމެޓިކްސްގެ ވިޔަފާރިކުރާ ޕޮއިސް ޕާފިއުމްސް އަކީ ފެންވަރު ރަނގަޅު، 100 ޕަސެންޓް އޮރިޖިނަލް އުފެއްދުންތައް ހެޔޮ އަގުގައި ފޯރުކޮށްދިނުމުގައި އާންމުންގެ އިތުބާރު ހޯދާފައިވާ ކުންފުންޏެކެވެ. ޕޮއިސް ޑިސްޓްރިބިއުޓާރސް އަކީ ޚަދްލަޖް ބްރޭންޑުގެ އުފެއްދުންތައް ރާއްޖެއަށް އެތެރެކޮށް ޑިސްޓްރިބިއުޓްކުރުމުގެ ހުއްދަ އޮތް ހަމައެކަނި ފަރާތެވެ. މިއާއެކު ބާޒާރުގައި ވިއްކާ މި ބްރޭންޑުގެ އޮރިޖިނަލް އުފެއްދުންތައް ކަސްޓަމަރުންނަށް ލިބޭނެ ކަމުގެ ޔަގީންކަން ލިބެއެވެ.