އަލްހާންގެ ހޫނު ބަހުގެ ހަމަލާތަކެއް ކުރީގެ ރައީސް މައުމޫނަށް!
މިއަހަރުގެ ރައްޔިތުންގެ މަޖިލީހުގެ އިންތިޚާބުގައި ޖުމްހޫރީ ޕާޓީގެ ޓިކެޓެއްގައި ހެންވޭރު އުތުރު ދާއިރާއަށް ވާދަކުރައްވާ އަލްހާން ފަހުމީ، ކުރީގެ ރައީސް އަލްއުސްތާޛު މައުމޫން އަބްދުލްގައްޔޫމަށް ވަރަށް ބޮޑަށް ފާޑުވިދާޅުވެއްޖެއެވެ.
މި މޭރުމުން އަލްހާން ވާހަކަފުޅު ދެއްކެވީ ރޭ އޮތް އެބޭފުޅާގެ ކެމްޕެއިން އިވެންޓެއްގައެވެ.
އަލްހާން ވިދާޅުވީ ދިވެހިރާއްޖޭގެ ޑިމޮކްރަސީ އޮތީ ޅަފަތުގައި ކަމަށާއި އެ ޑިމޮކްރަސީ ހިންގަން ތިބި ބައެއް އިސްވެރިންނަކީ އަދިވެސް ހުދުމުހުތާރު ސިފަތަކާ އެކީ ނޫނީ އެކަން ކުރަން ނުދަންނަ މީހުންކަމަށެވެ.
"މިސާލަކަށް ބަލާ އިރު، މިދާއިރާއަށް އެންޑޯސް ކުރައްވާފައި އޮތް ރައީސް މައުމޫންގެ ޕާޓީ އެމްއާރުއެމް، އެމްއާރުއެމްއަކީ ޕާޓީއެއް ވެސް ނޫން،" އަލްހާން ވިދާޅުވިއެވެ.
އެބޭފުޅާ އިތުރަށް ވިދާޅުވީ ގައުމަށް ޚިދުމަތްނުކޮށްދެވޭނަމަ ގައުމަށް ވަކިވަކި ފަރުދުން މުހިންމު ނުވާނޭކަމަށެވެ.
"އަޅުގަނޑު ދައްކަން މިއުޅޭ ވާހަކައަކީ ގައުމަށް މުހިންމީ އަލްހާން ފަހުމީތޯ، މުހިންމެއް ނުވާނެ" އަލްހާން ވިދާޅުވިއެވެ.
ވަކި ފަރާތަކަށްޓަކައި ޕާޓީ ހަދައި، އެ ފަރުދަކަށްޓަކައި އެ ފަރުދަކު އަމިއްލައަށް ސިޔާސަތު ކަނޑައަޅައި، އެ މީހެއްގެ ގަޔަށް ހެޔޮވަރުވާ ވަރަށް ދިވެހިރާއްޖޭގެ ވެރިކަމުގެ ނިޒާމު ވެސް ބައްޓަންކުރަން ވެއްޖެއްޔާ ގައުމާއި ރައްޔިތުން ވެދާނެ ހާލާާއި މެދު އަލްހާން ރޭ ވަނީ ސުވާލު އުފައްދަވާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
