ރައީސް ނަޝީދުގެ މައްޗަށް ތުހުމަތުކުރެވޭ ކޮރަޕްޝަނުގެ މައްސަލައެއް އޭސީސީން ބަލަނީ
ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ މައްޗަށް ތުހުމަތު ކުރެވޭ ކޮރަޕްޝަނުގެ މައްސަލައެެއް އެންޓިކޮރަޕްޝަން ކޮމިޝަން (އޭސީސީ) އިން ބަލަން ފަށައިފިއެވެ.
އޭސީސީން ބަލަމުން ދަނީ ދެކުނުގެ ފަސް އަތޮޅުގެ ކައުންސިލަރުންނަށް އަމާޒުކޮށްގެން ''ދެކުނު މަހާސިންތާ'' ގެ ނަމުގައި ބޭއްވި ބައްދަލުވުމުގައި ބައިވެރިވެ ވަޑައިގަތުމަށް ރައްޔިތުންގެ މަޖިލީހުގެ ބަޖެޓުން ޓިކެޓް ނަގައިގެން ރައީސް ނަޝީދު ގއ. ވިލިގިއްޔަށް ވަޑައިގެންނެވި ކަމަށް ބުނާ މައްސަލައެވެ.
އެމައްސަލަ އޭސީސީއަށް ހުށަހެޅީ އިދިކޮޅު ކޯލިޝަނުންނެވެ.
ފަސް އަތޮޅުގެ ކައުންސިލަރުން ބައިވެރިވި މި މަހާސިންތާ ޝަރަފުވެރިކޮށްދެއްވީ ނަޝީދެވެ.
އޭސީސީން ބުނީ، މިއަހަރުގެ އޮކްޓޯބަރު މަހުގެ ތެރޭގައި ރައީސް ނަޝީދު ދެކުނަށް ކުރެއްވި ދަތުރުފުޅަކީ މަޖިލީހުގެ ބަޖެޓުން ހަރަދުކޮށްގެން އެމްޑީޕީގެ އެކްޓިވިސްޓުންނާ ބައްދަލުކުރެއްވި ދަތުރުފުޅެއް ކަމަށް ބުނެ މައްސަލައެއް ހުށަހަޅާފައިވާ ކަމަށެވެ.
އެމައްސަލަ ބަލަމުންދާ ކަމަށް އޭސީސީން ބުންޏެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
