ބިދޭސީންނަށް މުސާރަ ނުދީގެން އެމީހުން އެންމެފަހުން ފުލުހަށް!
މާލޭގައި މަސައްކަތްކުރާ ބިދޭސީންތަކަކަށް މުސާރަ ނުދީގެން އެމީހުން އެންމެފަހުން ފުލުހުންނަށް މައްސަލަ ރިޕޯޓްކޮށްފިއެވެ.
ވޮއިސްއަށް އެނގިފައިވާ ގޮތުގައި މިއަދު ހަވީރު 50އަށްވުރެ ގިނަ ބިދޭސީން ވަނީ ގަލޮޅު ވިލީ ފުލުހަށްގޮސް، އެފަރާތްތަކަށް މުސާރަ ނުލިބޭކަމަށްބުނެ ޝަކުވާކޮށްފައެވެ. މިކަން ވަނީ ފުލުހުންގެ މީޑިޔާ އޮފިޝަލްވެސް ކަށަވަރުކޮށްދެއްވާފައެވެ.
ފުލުހުންގެ މީޑިޔާ އޮފިޝަލް ވިދާޅުވީ އެފަރާތްތަކުން ފުލުހަށް ދިއުމުން، އެ މައްސަލަ ލޭބަރ ރިލޭޝަންސް އޮތޯރިޓީއަށް ހުށައެޅުމަށް ލަފާދީފައިވާނެކަމަށެވެ.
ރާއްޖެ ގެންނަ ގިނަ ބިދޭސީންނަށް ދޭންޖެހޭ އުޖޫރަ ނުދީ އެމީހުން ލައްވާ ލާއިންސާނީ ގޮތްތަކަށް މަސައްކަތްކުރުވާ މައްސަލައަކީ ވަރަށް ބޮޑުވެފައިވާ މައްސަލައެކެވެ. މިކަމުގެ ނަތީޖާއެއްގެ ގޮތުން ގިނަ ބިދޭސީން ދަނީ އިންސާނީ ވަގުފާރީގެ ޝިކާރައަކަށްވަމުންނެވެ.
ދާދިފަހުން ބަންގްލަދޭޝްގެ ސަރުކާރުން ވަނީ އެގައުމުގެ މީހުން ރާއްޖެއަށް މަސައްކަތަށް ދިއުން ހުއްޓާލުމަށް އެދިފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
