ހުކުރުދުވަހު ހެނދުނު، މާލެ އަދި ހުޅުމާލޭގެ ބައެއް ހިސާބުތަކުން ކަރަންޓް ކެނޑިދާނެ
ލިޔުންތެރިޔާ
އަބްދުﷲ ހުސައިން
ހުކުރުދުވަހުގެ ހެނދުނު މާލެ އަދި ހުޅުމާލޭގެ ބައެއް ސަރަހައްދުތަކުން ކަރަންޓް ކެނޑުމަކީ އެކަށީގެންވާކަމެއްކަމަށް ސްޓެލްކޯއިން ބުނެފިއެވެ.
މިކަމާ ގުޅޭގޮތުން ސްޓެލްކޯއިން ބުނީ، ގްރޭޓާ މާލެ އިންޓަރކަނެކްޝަން ގްރިޑް ނެޓްވަރކްގައި ކޮންމެހެން ކުރަންްްޖެހޭ މަސައްކަތްތަކެއް ކުރަންޖެހޭތީވެ، މާދަމާ ހެނދުނު މާލެ އަދި ހުޅުމާލޭގެ ބައެއް ސަރަހައްދުތަކުން ކަރަންޓް ކެނޑުމަކީ އެކަށީގެންވާ ކަމެއް ކަމަށެވެ.
ސްޓެލްކޯއިން ބުނީ މަސައްކަތް ކުރާ ގަޑީގައި ކަރަންޓް ދާނޭކަމަށް ބެލެވެނީ ހެނދުނު 6 ކާއި 7 ޖެހުމާ ދެމެދު ކަމަށެވެ.
ޤައުމީ ކަރަންޓް ކުންފުނީގެ ހިދުމަތްތައް އަޕްގްރޭޑް ކުރުމާއި އައި ނެޓްވަރކަށް ބައެއްކަހަލަ މައްސަލަތައް ދިމާވަމުންދާތީވެ ސްޓެލްކޯއިން ވަނީ މީގެ ކުރިންވެސް ގްރޭޓާ މާލެ އިންޓަރކަނެކްޝަން ގްރިޑް ނެޓްވަރކްގެ އަޕްގްރޭޑިން މަސައްކަތްކޮށްފައެވެ.
މާލެ ސަރަހައްދުގައި އިތުރު ފްލެޓްތަކާއި އާބާދީ އިތުރުވަމުންދާތީވެ، ސްޓެކްލޯއިން ދަނީ އެކުންފުނިން ދެމުން އަންނަ ކަރަންޓްގެ ހިދުމަތް ފުޅާކުރުމަށް ގިނަ މަސައްކަތްތަކެއް ކުރަމުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
