އަދީބުގެ އަތުގައި ސައްހަ ދަތުރުކުރެވޭނެފަދަ ލިޔުމެއް ނޯންނާނެ: އިމިގްރޭޝަން
ކުރީގެ ނައިބު ރައީސް އަހުމަދު އަދީބުގެ އަތްޕުޅުގައި ރާއްޖެއިން ބޭރަށް ދަތުރުކުރެވޭނެފަދަ ސައްހަ ލިޔުމެއް ނޯންނާނެކަމަށް މޯލްޑިވްސް އިމިގްރޭޝަނުން ބުނެފިއެވެ.
އިމިގްރޭޝަނުން މިރޭ ކުރި ޓްވީޓެއްގައި ބުނެފައިވަނީ ކޮރަޕްޝަންގެ މައްސަލަތަކެއްގެ ތަހުގީގުގައި ހުރި، އަދި ސުޕްރީމް ކޯޓުގެ އަމުރެއްގެ ދަށުން ރާއްޖެއިން ބޭރަށް ދަތުރުކުރުން މަނާކުރެވިފައިވާ ކުރީގެ ނައިބު ރައީސް އަހުމަދު އަދީބުގެ އަތުގައި ސައްހަ ޓްރެވަލް ޑޮކިއުމެންޓެއް ނޯންނާނެ ކަމަށެވެ.
އަދި އެފަދަ ޑޮކިއުމެންޓެއް އިިމިގްރޭޝަންގެ ފަރާތުން އަދީބަށް ދޫކޮށްފައި ނުވާނެކަމަށް އެފަރާތުން ވަނީ ބުނެފައެވެ.
އިިމިގްރޭޝަނުން މިހެން ބުނިއިރު، އަދީބު އިންޑިޔާއަށް ޓަގްބޯޓުން ދިޔައީ ޕާސްޕޯޓަކާއި އެކީކަމަށް ރާއްޖޭގެ އޮންލައިން ނޫހެއްކަމުގައިވާ "ރާއްޖެ.އެމްވީ" އިން ވަނީ ބުނެފައެވެ.
ރާއްޖެ.އެމްވީން ބުނީ އެ ބޯޓަށް އިންޑިއާގެ ފުލުހުންނާއި ކަސްޓަމްސްގެ އޮފިޝަލުން އަރާ އަދީބުގެ މައުލޫމާތު ދޭން އެދުމުން އޭނާ ދެއްކެވީ ޕާސްޕޯޓު ކަމަށެވެ. ފާހަގަކޮށްލެވޭ ގޮތުގައި މީހެއްގެ ޕާސްޕޯޓް ކެންސަލްކުރި ކަމުގައިވިޔަސް، އެ ޕާސްޕޯޓު އޭނާގެ އަތުގައި އޮތުމުގެ ފުރުސަތު އޮންނާނެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
