ޓެރަރިޒަމްގެ ގާނޫނަށް އިސްލާހު ގެންނަނީ ޓެރަރިޒަމްގެ އަމަލުތައް ހުއްޓުވަން: މާރިޔާ
ޓެރަރިޒަމްގެ އަމަލުތައް ހުއްޓުވުމުގެ ގާނޫނަށް އިސްލާހު ގެންނަނީ ޓެރަރިޒަމްގެ އަމަލުތައް ހުއްޓުވުމަށްކަމަށް ޑިފެންސް މިނިސްޓަރ މާރިޔާ އަހުމަދު ދީދީ ވިދާޅުވެއްޖެއެވެ.
މާރިޔާ މިހެން ވިދާޅުވީ އެ އިސްލާހު ފާސްކުރުމަކީ ހެޔޮވާނެކަމެއް ނޫންކަމަށާއި އަދި އެކަމަކީ އައިސީސީޕީއާރްގެ 19 އަދި 20 ވަނަ މާއްދާއާއި ހިލާފު ކަމެއް ކަމަށް، ކުރީގެ ފޮރިން މިނިސްޓަރު އަދި އދ. ގެ ހާއްސަ ރެޕަޓުއާ އަހުމަދު ޝަހީދު ވިދާޅުވުމުން އެކަމަށް ރައްދު ދެއްވަމުންނެވެ.
މާާރިޔާ ވިދާޅުވީ ޖިނާއީ އަދުލުގެ ގާނޫނު ތަކަކީ ކުށެއް ކުރުމުން ދައުލަތުން ދޭ ރައްދު ކަމަށެވެ. އަދި ޓެރަރިޒަމްގެ ގާނޫނުތައް ހަދަނީ ސްރީލަންކާގައި ހިނގި ބޮން ގޮއްވުމުގެ ހާދިސާ ފަދަ ޓެރަރިސްޓް އަމަލުތައް ހިންގިޔަ ނުދިނުމަށްކަަމަށް މާރިޔާ ވިދާޅުވިއެވެ.
މާރިޔާ ވިދާޅުވީ ދުނިޔޭގެ ގިނަ ގައުމުތަކުގެ ޓެރަރިޒަމް ގާނޫނުތަކަށް އިންސާނީ ހައްގުތަކުގެ މީހުން ފާޑު ކިޔާނެ ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
