މާލޭ ހުކުރު މިސްކިތުގެ މަރާމާތުތަކެއް ކުރަނީ
ދިވެހިންގެ ގަލުވަޑާމުގެ ފަންނުވެރިކަމާއި އިސްލާމީ ވަހުދަތު ދައްކުވައިދޭ އެންމެ ދުވަސްވީ އެއް ބިނާކަމުގައިވާ މާލޭ ހުކުރު މިސްކިތުގެ މަރާާމާތުތަކެއް ކުރުމަށް ނިންމައިފިއެވެ.
ހެރިޓޭޖް މިނިސްޓްރީން މައުލޫމާތުދޭ ގޮތުގައި މަރާމާތު ކުރުމަށް ހަަމަޖެހިފައިވަނީ އެ މިސްކިތުގެ ދެކުނު ކޮޓަރިކޮޅެވެ. އެގޮތުން އެ ކޮޓަރިކޮޅުގެ މަތީގައި އަޅާފައިވާ ބެރި މަރާމާތުކުރުމުގެ މަސައްކަތް އެ މިނިސްޓްރީން ދަނީ ކުރަމުންނެވެ.
އެގޮތުން ދެކުނު ކޮޓަރިކޮޅުގެ މަތިން އަޅާފައިވާ ބެރި ވަނީ ހުންނަންވާ ވަރަށްވުރެ 4 ސެންޓި މީޓަރު ތިރިއަށްޖެހިފައެވެ.
މިކަމުގެ ސަބަބުން މިސްކިތުގެ ސްޓްރަކްޗަރއަށް އިއާދަނުކުރެވޭ ފަދަ ގެއްލުމެއް ލިބިދާނެކަމުގެ ބިރު އޮތްކަމަށް އެ މިނިސްޓްރީން ބުނެއެވެ. މި މަރާމާތަށް ގާތްގަަނޑަކަށް އެއް މަސްދުވަސް ހޭދަވާނެކަމަށް ހެރިޓޭޖް މިނިސްޓްރީން ވަނީ ބުނެފައެވެ.
ދެކުނު ކޮޓަރިކޮޅަކީ ހުކުރު މިސްކިތުގެ މިޙުރާބުގޭގެ ދެ ފަރާތުގައި ހަދާފައިވާ ކޮޓަރިކޮޅުތަކުގެ ތެރެއިން ރަދުން ޙާއްޞަ ލަޤަބެއް ދެއްވާފައިވާ ޖަހާ ހަނގުބޭކަލުންނަށް ޙާއްސަކޮށްގެން ތައްޔާރުކޮށްފައިވާ ކޮޓަރިކޮޅެކެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
