ކުޅުދުއްފުއްޓަށް ގޮސް، އޭބީ ނެގެޓިވް ލޭ ދެވޭނެ ބައެއް ހޯދަނީ
ޑެންގޫ ހުން ޖެހިގެން، ވަރަށް އަވަހަށް އޭބީ ނެގެޓިވް ލޭ ބޭނުންވެގެން ލޭދޭނެ ހަތަރު މީހަކު ހޯދަން އާންމުންގެ އެހީތެރިކަމަށް އެދިއްޖެއެވެ.
މާލެއިން ކުޅުދުފުއްޓަށް ގޮސް ލޭދޭނެ ހަތަރު މީހަކު ހޯދުމަށް އިއުލާނުކޮށްފައި މި ވަނީ ފަސް އަތޮޅުން ވެސް ލޭ ހޯދުމަށް މަސައްކަތްކޮށް ލޭ ނުލިބުމުގެ ސަބަބުންނެވެ. އެގޮތުން، ލޭ ނުލިބިގެން ލޭހޯދުމަށް ހއ އަތޮޅުން ފެށިގެން ރ އަތޮޅާ ހަމަށް ވަނީބަލާފައިއެވެ.
ޑެންގޫ ޖެހިގެން ހާލުބޮޑުވެ ފަރުވާ ހޯދަމުން އަންނަނީ ހދ ނޮޅިވަރަންފަރުގެ 43 އަހަރުގެ މީހެކެވެ.
މި މަސައްކަތުގައި ލޭ ހޯދުމަށް ކުރި މަސައްކަތުން ރޭގައި ވެސް ވަނި މާލެއިން ކުޅުދުފުއްޓަށް މީހަކު ގެންގޮސް ލޭ ނަގާފައިއެވެ. ލޭ ދިނުމަށް ދިޔަފަރާތުގެ ޓިކެޓުގެ ކަންކަން ވެސް ހަމަޖައްސާފައިވަނީ ލޭ ބޭނުންވި ފަރާތުގެ އާއިލާއިންނެވެ.
ލޭ ބޭނުންވާ ފަރާތުގެ އާއިލާއިން ބުނީ އަދިވެސް ލޭ ދޭނެ ޑޯނަރުން ބޭނުން ކަމަށެވެ. އަދި ލޭ ދޭން ދާފަރާތުގެ ޓިކެޓު ކަންކަން މިފަހަރުވެސް އާއިލާއިން ހަމަޖައްސަދޭނެކަމަށެވެ.
މި ދުވަސްވަރަކީ މާލެއިންވެސް ލޭ ލިބުން ދަތިވެފައިވާ ދުވަސްވަރަކަށްވުމުން މޯލްޑިވްސް ބްލަޑް ބޭންކުން ވަނީ އާންމުންގެ އެހީތެރިކަމަށް އެދިފައިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
