އެމެރިކާއިން ނެރުނު ލެވެލް ދޭއްގެ އެޑްވައިޒަރީން ރާއްޖެއަށް ބިރުވެރިކަމެއް ނެތް!

އެމެރިކާގެ ސަރުކާރުން މިރޭ ރާއްޖެއަށް އަމާޒުކޮށް ނެރުނު ލެވެލް ދޭއްގެ ޓްރެވަލް އެޑްވައިޒަރީން މާބޮޑު ބިރުވެރިކަމެއް ނެތްކަން ހާމަވެއްެޖެއެވެ.

ދަތުރުފަތުރުކުރުމުގައި ސަމާލުކަން ދިނުމަށް އެދި އެގައުމުން ނެރޭ ލެެވެލް ދޭއްގެ އެޑްވައިޒަރީއަކީ ރާއްޖެ ފިޔަވައި އިތުރު ގައުމުތަކަށްވެސް ނެރޭ އެޑްވައިޒަރީއެއްކަން ފާހަގަކޮށްލެވެއެވެ.

އެގޮތުން ފްރާންސް، އަލްޖީރިޔާ، އެންޓާޓިކާ، ޑެންމާކް، ޖާރމަނީ، ނެދަލޭންޑްސް އަދި ޔޫކޭ ފަދަ ގައުމުތަކަށް ދަތުރުކުރުމުގައިވެސް ސަމާލުވުމަށް އެދި އެމެރިކާއިން ވަނީ ލެވެލް ދޭއްގެ ޓްރެވަލް އެޑްވައިޒަރީތަކެއް ނެރެފައެވެ. މި ގައުމުތަކަށް އެޑްވައިޒަރީ ނެރެފައިވަނީ އެކިއެކި ސަބަބުތަކާއި ގުޅިގެންނެވެ. ނަމަވެސް ޔޫރަޕްގެ ގިނަ ގައުމުތަކަށް ލެވެލް ދޭއް ނެރެފައިވަނީ ނިރުބަވެރިކަމާއި ގުުޅުވައިގެންނެވެ.

ފާހަގަކޮށްލެވޭ ގޮތުގައި ލެވެލް ދޭއްގެ އެޑްވައިޒަރީގެ މާނައަކީ އެގައުމުތަކަށް ދަތުރުުކުރުމަށް ހުއްދަދީ، ނަަމަވެސް ފަރުވާތެރިކަމާއި އެކު ދަތުރުކުރުމަށް އަންގާ އެންގުމެކެވެ.

މިރޭ އެގައުމުން ނެރުނު އެޑްވައިޒަރީގައި ވަނީ ކުރިން އެންގުމަކާއި ނުލައި ރާއްޖެއަށް ޓެރަރިސްޓް ހަމަލާއެއް ދީފާނެކަމަށްބުނެފައެވެ.

އެގޮތުން ފަތުރުވެރިން ޒިޔާރަތްކުރާ ތަންތަނާއި، ދަތުރުފަތުރުކުރާ ތަންތަނާއި، ވިޔަފާރިކުރާ ތަންތަނަށް ހަމަލާދީފާނެކަމަށް ވަނީ ބުނެފައެވެ. އެ އެޑްވައިޒަރީގައި ވަނީ އަތޮޅު ތެރޭގެ ރަށްތަކަށްވެސް ހަމަލާ އައިސްފާނެކަަމަށް ބުނެފައެވެ.

ބެލެވޭ ގޮތުގައި މިއީ ލަންކާއަށް ދިން ހަމަލާތަކާއި ގުޅިގެން ނެރުނު ޓްރެވަލް އެޑްވައިޒަރީއެއް ނޫނެެވެ.