އިންސާނީ ހައްޤަށް މަސައްކަތްކުރާ ފޯމީގެ މައްޗަށް ނަހަމަ ގުުޅުންތަކެއްގެ ތުހުމަތުތަކެއް!

މިއަހަރުގެ މަޖިލިސް އިންތިޚާބުގައި ކުޑަހުވަދޫ ދާއިރާއަށް އަމިއްލަގޮތުން ވާދަކުރާ އަހުމަދު މުހައްމަދު (ފޯމީ) ގެ މައްޗަށް ޒުވާންކުދިންތަކަކާއި އެކު ނަހަމަ ގުޅުންތަކެއް ބޭއްވި ކަމުގެ ތުހުމަތުތަކެއް ފެންމަތިވެއްޖެއެވެ.

މި ތުހުމަތުތައް ފެންމަތިކޮށްފައިވަނީ ޓްވިޓަރ މެދުވެރިކޮށެވެ.

އެގޮތުން އެ ޓްވީޓްގައި ބުނެފައިވަނީ ފޯމީގެ މައްޗަށް ގިނަ އަދަދެއްގެ ޒުވާން އަންހެން ކުދިންނާއި އެކު ނަހަމަ ގުޅުންތަކެއް ބާއްވާ (ޗައިލްޑް ގްރޫމިންގް)، އަދި ނުރަނގަޅު އަޚުލާގު ބެހެއްޓިކަމުގެ ތުހުމަތުތަކެއް ކުރެވިފައިވާ ކަމަށެވެ.

މީގެ ތެރޭޭގައި ފޯމީއަކީ އަންހެންކުދިން 18 އަަހަރު ވުމުން އެކުދިންނަށް މެސެޖްކޮށް އެކުދިންނާއި ބައްދަލުވެ ޖިންސީގުުޅުން ހިންގަން އެދިފައިވާ ފަރާތެއް ކަމަށް ވަނީ ބުނެފައެވެ. އަދި ފޯމީ އިސްކޮށް ހަރަކާތްތެރިވާ ނަވާނަވައި ހަރަކާތަކީވެސް އޭނާ ޒުވާން ކުދިންނާއި ވާހަކަދެއްކުމަށް ބޭނުންކުރާ އުުކުޅެއްކަމަށްވެސް ވަނީ ބުނެފައެވެ.

ފޯމީގެ މައްޗަށް މި ތުހުމަތުތައްކޮށްފައިވާއިރު އޭނާ ވަނީ ޓްވިޓަރ މެދުވެރިކޮށް މިކަންކަމަށް އިންކާރު ކޮށްފައެވެ. އަދި ފޯމީ ބުނެފައިވަނީ އެފަދަ މައްސަލައެއްގެ ތުހުމަތު ކުރެވޭނަަމަ ތަހުގީގަަކަށް ދޭންޖެހޭ އެއްބާރުލުން ދޭނެކަމަށާއި އަދި ކުރެވުނު އެއްވެސް އަމަލަކީ ފުރައްސާރަކަމަށް ދޭހަވާފަދަ ކަމަކަށް ވާނަމަ އެކަމަށް މަޢާފަށް އެދޭކަމަށެވެ.

ފޯމީއަކީ މަސައްކަތްތެރިންގެ ހައްގާއި، އިންސާނީ ހައްގުތައް ރައްކާތެރިކުރުމަށް ގޮވާލާ ރާއްޖޭގައި އިސްކޮށް ހަރަކާތްތެެރިވާ ފަރާތެކެވެ.