އަޑިއަށް ދިޔައީ މުދާ ބަރުކޮށްގެން ވ އަތޮޅަށް ދާން އުޅުނު ދޯންޏެއް
ލިޔުންތެރިޔާ
އަބްދުﷲ ހުސައިން
މިރޭ އިރާކޮޅުގެ ވަގުތެއްގައި ތީޖެތީ ސަރަހައްދަށް އަޑިއަށްދިޔަ ދޯންނަކީ މުދާ ބަރުކޮށްގެން ވ.އަތޮޅަށް ދާން އުޅުނު ދޯންޏެއްކަމަށް ފުލުހުން ބުނެފިއެވެ.
މީޑިއާތަކަށް ފުލުހުން ހިއްސާކުރި މެސެޖެއްގައި ބުނީ، ޓީޖެޓީގައި ދޯންޏެއް އަޑިއަށް ދާކަމުގެ މައުލޫމާތު މިރޭގެ 19:31 އެހައިކަންހާއިރު ފުލުހުންނަށް ރިޕޯޓްކޮށްފައިވާކަމަށެވެ.
"ކުރިމަގު" ނަމަކަށް ކިޔާ މި ދޯނި އަޑިއަށް ގޮސްފައިވަނީ މުދާ ބަރުކޮށްގެން ވ. އަތޮޅަށް ދިއުމަށް ޓީޖެޓީން ނުކުތް ވަގުތު ދިޔަވާން ފެށުމުން، އަނބުރާ ބަނދަރަށް ވަތް ފަހުން ކަމަށްވެސް ފުލުހުން ބުންޏެވެ.
މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވެއެވެ. ދޯނި ފުންކުރުމުގެ މަސައްކަތް އެމްއެންޑީއެފް އާއި އެމްޕީއެލް އަދި ދޯނީގެ ވެރިފަރާތް ގުޅިގެން ކޮށްފައިވާަކަމަށް ފުލުހުން ބުންޏެވެ. މި ހާދިސާ ހިނގަން މެދުވެރިވި ސަބަބު ފުލުހުން ދަނީ ބަލަމުންނެވެ.
މިރޭ މާލެ ސަރަހައްދަށް މޫސުން ވަރަށްބޮޑަށް ގޯސްވެފައިވާކަން ފާހަގަކޮށްލެވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
