ސްރީލަންކަންއިން ގަމަށް ކުރާ ދަތުރުތައް ހުއްޓާނުލާނެ!
ސްރީލަންކަން އެއަރލައިންސްއިން އައްޑޫ އަތޮޅު ގަމަށް ކުރާ ދަތުރުތައް ހުއްޓާނުލުމަށް އެ އެއަރލައިންސްއިން ނިންމައިފިއެވެ.
ވޮއިސްއަށް މައުލޫމާތު ލިބުނު ގޮތުގައި މި ދަތުރުތައް ހުއްޓާނުލުމަށް ނިންމީ، ސަރުކާރާއި އެކު ކުރެވުނު މަޝްވަރާތަކުން އެ އެއަރލައިންސްގެ ބައެއް ޑިމާންޑްތައް ފުރިހަމަވުމުންނެވެ.
އެގޮތުން ކަނެކްޓިންގް ފްލައިޓްތައް ހަމަޖެއްސުމާއި، އިމިގްރޭޝަންގެ ލުއިފަސޭހަތައް ހިމެނެއެވެ.
ސްރީލަންކަންއިން މިހަފްތާގައި ނިންމާފައި ވަނީ މިއަހަރުގެ އޭޕްރީލް މަހުން ފެށިގެން ގަމަށް ކުރާ ދަތުރުތައް ވަގުތީ ގޮތުން ހުއްޓާލުމަށެވެ. އެކަން ކޮށްފައިވަނީ ގަން އިންޓަނޭޝަނަލް އެއާޕޯޓުގައި އިންޓަނޭޝަނަލް ދަތުރުތަކަށް ފުރިހަމަވާންޖެހޭ ބައެއް ކަންތައް ފުރިހަމަ ނުވާކަމަށް ބުނެއެވެ.
މިކަމާއި ގުޅިގެން މީޑިޔާތަކަަށް މައުލޫމާތު ދެއްވަމުން ސްރީލަންކަން އެއަރލައިންސް ރާއްޖެއަށް އޮޕަރޭޓްކުރާ އޭސް އޭވިއޭޝަންގެ މެނޭޖިން ޑިރެކްޓަރ މުހައްމަދު ފިރާގު ވިދާޅުވީ ސްރީ ލަންކަން އެއާލައިންސްގެ އައްޑޫ ދަތުރުތައް ފަށާފައިވަނީ 2016 ވަނަ އަހަރުގައި ކަމަށާއި ދެ އަހަރު ވަންދެން އައްޑޫ ދަތުރުތައް ކުރަން ޖެހުނީ ދަތިތަކާއެކު ހައްލެއް ނުލިބި ކަމަށެވެ.
އެގޮތުން ދަތުރުތައް ފެށިއިރު ކަންކަން ކުރަން ރާވާފައިވާ ގޮތަށް ކަންކަން ގޮސްފައިނުވާ ކަމަށް ފިރާގު ފާހަގަކުރެއްވިއެވެ. އޭނާ ވިދާޅުވީ ވަރަށް ކުދިކުދި ކަންތައްތަކެއް ހައްލުކުރެވިއްޖެނަމަ މި ދަތުރުތަކަކީ ކާމިޔާބު ދަތުރުތަކަކަށް ވެގެންދާނެ ކަމަށެވެ
.ސްރީލަންކަން އިން ހަފްތާއަކު ތިންދުވަހު ގަމަށް ފްލައިޓް ބާއްވައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
