އެއް ކޮޓަރީގެ ފްލެޓް ލިބިފައިވާ މީހުންނަށް ތިން ކޮޓަރީގެ ފްލެޓަށް ކުރިމަތިލެވޭނެ ގޮތް ހަދައިފި
ލިޔުންތެރިޔާ
އަހުމަދު ހަމީދު އާދަމް
މީގެ ކުރީން ސަރުކާރުން ހިންގި ބޯހިޔާވަހިކަމުގެ ސްކީމަކުން އެއް ކޮޓަރީގެ ފްލެޓް ލިބިފައިވާ މީހުންނަށް މި ސަރުކާރުން ހުޅުވާލާ ބޯހިޔާވަހިކަމުގެ ސްކީމުގައި ތިން ކޮޓަރީގެ ފްލެޓަށް ކުރިމަތިލެވޭނެ ގޮތް ހަދައިފި އެވެ.
އެ ނިންމުން ރައީސުލްޖުމްހޫރިއްޔާ ޑރ. މުހައްމަދު މުޢިއްޒު މިރޭ ވަނީ އިއުލާނު ކުރައްވާފަ އެވެ. ގަލޮޅު ރައްޔިތުންނާއި ބައްދަލު ކުރެއްވުމަށް ބޭއްވި ބައްދަލްވުމުގައި ވާހަކަފުޅު ދައްކަވަމުން ރައީސް ވިދާޅުވީ މާލޭގެ ގިނަ އަވަށްތަކެއްގެ ރައްޔިތުންނާއި މިހާރު ބައްދަލުވެފައިވާއިރު އެންމެ ބޮޑު ޝަކުވާ އަކީ ބޯހިޔާވަހިކަމުގެ މައްސަލައާ ގުޅޭ ކަންބޮޑުވުންތަކާއި ޝަކުވާތައް ކަަމަށެވެ.
ހާއްސަކޮށް މި ސަރުކާރުން ހުޅުވާލަން ތައްޔާރުވަމުންދާ ސްކީމަށް ކުރީން އެއް ކޮޓަރި ފްލެޓް ލިބިފައިވާ މީހުންނަށް ކުރިމަތިލެވޭ ގޮތަށް ޝަރުތުތައް ހަމަޖެއްސުމަށް ގިނަ ރައްޔިތުން އެދެމުންދާ ކަަމަށެވެ. އެ ފުރުސަތު ދެއްވަން ނިިންމަވާ އެ ބަދަލު މިހާރު ގެންނަންވާފައިވާ ކަމަށް ވިދާޅުވި އެވެ.
"މިހާރު މިހުޅުވާލަން ތައްޔާރުވަމުންދާ ސްކީމްގައި އެއްކޮޓަރީގެ ފްލެޓް ލިބިފައިވާ ފަރާތްތަކަށްވެސް ފޯމް ހުށައެޅޭ ގޮތަށް އުސޫލު ބަދަލުކުރާ ވާހަކަ. ދެން ކުރިމަތިލާ ހޮވޭ ފަރާތްތައް އެ އޮންނަ އުސޫލުން އެތަން ދޫކޮށްލާފައި މި ސްކީމުން ލިބޭ ތިން ކޮޓަރީގެ ފްލެޓަށް ދެވޭ ގޮތަށް," ރައީސް ވިދާޅުވި އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
