އެމްޕީއެލްގެ އެޕެރެންޓިސްޝިޕް ޕްރޮގްރާމްގައި ބައިވެރިވުމުގެ ފުރުޞަތު ޒުވާނުނަށް ހުޅުވާލައިފި

މޯލްޑިވްސް ޕޯޓްސް ލިމިޓެޑް, އެމްޕީއެލްގެ އެޕެރެންޓިސްޝިޕް ޕްރޮގްރާމްގައި ބައިވެރިވުމުގެ ފުރުޞަތު ހުޅުވާލައިފިއެވެ.

އެމްޕީއެލް އެޕްރެންޓިސްޝިޕް ޕްރޮގްރާމް ގައި ބައިވެރިވުމުގެ ފުރުސަތު މިއަދުން ފެށިގެން މިހިނގާ ސެޕްޓެމްބަރުމަހުގެ 29 ގެ ނިޔަލަށް ހުޅުވާލެވިފައިވާއިރު، މި ޕްރޮގްރާމް ކުރިއަށްގެންދަނީ މިނިސްޓްރީ އޮފް ޔޫތް އެމްޕަވާމެންޓް، އިންފޯމޭޝަން އެންޑް އާޓްސް އާ ގުޅިގެންނެވެ.

އެޕެރެންޓިސްޝިޕް ޕްރޮގްރާމްގައި މިފަހަރު އެމްޕީއެލުން ވަނީ ޖުމްލަ 6 ދާއިރާއަކުން ޒުވާނުންނަށް ކުރިމަތިލުމަށް ހުޅުވާލާފައެވެ. އޭގެ ތެރޭގައި ހިމެނެނީ މެރީން މެކޭނިކް އެޕްރެންޓިސް، ހެވީ ވެހިކަލް މެއިންޓެނެންސް އެޕްރެންޓިސް، އިލެކްޓްރީޝިއަން އިންސްޓޮލޭޝަން އެންޑް މެއިންޓެނެންސް، އެޑްމިނިސްޓްރޭޓިވް، ފަރުނީޗަރު ކާރޕެންޓްރީ، ވެލްޑިން ޓްކްނިކްސް ފަދަ ދާއިރާތަކުންނެވެ.

ޕްރޮގްރާމުގައި ބައިވެރިވުމުގެ ފުރުސަތު 18 އަހަރާއި 35 އަހަރުގެ ޒުވާނުނަށް ވަނީ ހުޅުވާލާފައެވެ. ޕްރޮގަރާމަށް ހޮވޭ ފަރާތްތަކަށް ކޮންމެ މަހަކު 5000 ރުފިޔާގެ އެލަވަންސެއް ހަމަޖައްސައިދޭއިރު، ޕްރޮގްރާމްގެ މުއްދަތަކީ 6 މަސްދުވަސްކަމަށް އެމްޕީއެލުން ބުނެއެވެ.