ބާރަ ޖެހުމާ ހަމައަށް 62،000 ވުރެ ގިނަ މީހުން ވޯޓްލައިފި

މިއަދު ކުރިއަށްދާ އިންތިހާބުތަކުގައި މިހާތަނަށް 62،000 ވުރެ ގިނަ މީހުން ވޯޓްލައިފި އެވެ.

މިއަދު ކުރިއަށްދަނީ ލޯކަލް ކައުންސިލްތަކުގެ އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމެޓީތަކުގެ އިންތިހާބާއި ރައްޔިތުންގެ ފެންނަ ނުފެންނަ ވޯޓްގެ އިންތިހާބެވެ. އިލެކްޝަންސް ކޮމިޝަނުން ދެންމެ ވަނީ މިއަދު 12:00 ގެ ނިޔަލަށް ވޯޓްލީ މީހުންގެ އަދަދު ހާމަކޮށްފަ އެވެ.

އެ ކޮމިޝަނުން ބުނީ މިހާތަނަށް 62,083 މީހަކު ވޯޓްލާފައިވާ ކަމަށެވެ. އޭގެ ތެރޭގައި ހިމެނެނީ 28,838 އަންހެނުންނާއި 33,245 ފިރިހެނުންނެވެ. އެއީ 21.05 އިންސައްތަ އެވެ.

މި އިންތިހާބުގައި ވޯޓްލުމުގެ ހައްގު 294876 މީހުންނަށް ލިބިފައިވެ އެވެ. މިހާތަނަށް ވޯޓް ނުލަނީ 232793 މީހުންނެވެ. އެއީ 78.95 އިންސައްތަ އެވެ.