އަޅުގަނޑު އެ ބޭފުޅަކަށް އެންމެ ބޮޑަށް ފަހުރުވެރިވާ ސިޔާސީ ބޭފުޅަކީ އަބްދުއްރަހީމް: ރައީސް ޑރ.މުޢިއްޒު

އެންމެ ބޮޑަށް ފަހުރުވެރިވާ ސިޔާސީ ބޭފުޅަކީ ޕީއެންސީގެ ޗެއަރޕާސަން އަދި ރައީސުލްޖުމްހޫރިއްޔާގެ ޚާއްސަ އެޑްވައިޒަރ އަބްދުއްރަހީމް އަބްދުالله ކަމަށް ރައީސް ޑރ މުހައްމަދު މުއިއްޒު ވިދާޅުވެއްޖެއެވެ.

މި މަހުގެ 21 ވަނަ ދުވަހު ބާއްވާ ރައްޔިތުންގެ މަޖިލީހުގެ އިންތިހާބުގައި ލ. ފޮނަދޫ ދާއިރާއަށް ޕީޕީއެމް/ޕީއެންސީގެ ޓިކެޓުގައި ވާދަކުރައްވާ އަބްދުއްރަހީމްގެ ކެމްޕޭނު ބައްދަލުވުމުގައި ރައީސް ވިދާޅުވީ މަޖިލީހުގެ މެންބަރެއްގެ ކިބާގައި ހުންނަން ޖެހޭ ހުރިހާ ސިފައަކާއި، ރައްޔިތުންނަށް އޯގާތެރިކަމާއި އިޚްލާސްތެރިކަމާއި އެކު ހިދުމަތް ކުރުމުގެ ސިފަތައް ފުރިހަމައަށް ހުންނެވި އެއް ކެންޑިޑެޓަކީ އަބްދުއްރަހީމް ކަމަށެވެ.

އަދި ފޮނަދޫ ދާއިރާއަށް ވާދަކުރައްވާ ކެންޑިޑޭޓުންގެ ތެރެއިން އެ މަނިކުފާނުގެ 100 ޕަސެންޓް ތާއިދުއޮތް ކެންޑިޑޭޓަކީ މީގެ ކުރިންވެސް އެ ދާއިރާގެ މެންބަރުކަންވެސް ކުރައްވާފައިވާ އަބްދުއްރަހީމްކަމަށް އެމަނިކުފާނު ވިދާޅުވުއެވެ.  ރައީސް ވިދާޅުވިގޮތުގައު ދާއިރާގައި ކުރިއަށް ގެންދަން ނިންމަވާފައިވާ ތަރައްގީގެ މަޝްރޫއުތައް ކުރިއަށް ގެންދެވޭނީ އަބްދުއްރަހީމް އިންތިހާބުކޮށްގެން ކަމަށެވެ.

އެހެންވީމާ ހުރިހާ އެންމެން އެކަތިގަނޑަކަށް ވެވަޑައިގެން، އެންމެ މަތީ އިންސައްތައިން މަޖިލީހަށް ހޮވާ މެންބަރަކަށް އަބްދުއްރަހީމް ހެއްދުވުމަކީ އަޅުގަނޑު ވަރަށް އުފާކުރާނެ ކަމެއް. މިކަމުގައި ވަރުގަދަ މަސައްކަތްތަކެއް ކުރައްވަވާ

ރައީސް ޑރ މުހައްމަދު މުޢިއްޒު

މިއާއެކު ރައީސް ވިދާޅުވީ ސިޔާސީ މަސައްކަތުގައި ކުރިމަތިވެވަޑައިގެންނެވި ހުރިހާ ކަމެއްގައި އެންމެ ބޮޑު އެހީތެރިކަމެއް އެމަނިކުފާނަށް ދެއްވެވީ އަބްދުއްރަހީމް ކަމަށެވެ. އެގޮތުން ކުރީގެ ރައީސް ޔާމީންގެ ވެރިކަމުގަޔާއި އޭގެ ފަހުންވެސް ކަން ރައީސް މުއިއްޒަށް އެންމެ އެހީތެރިވެވަޑައުގެންނެވީ އަބްދުއްރަހީމް ކަމަށް އެމަނިކުފާނު ވިދާޅުވިއެވެ.

.'އަޅުގަނޑު އެ ބޭފުޅަކަށް އެންމެ ބޮޑަށް ފަހުރުވެރިވާ ސިޔާސީ ބޭފުޅަކީ އަބްދުއްރަހީމް، އެމަނިކުފާނު ތި ގޮނޑިއަށް ހޮވައިދިނުމަކީ ތިބޭފުޅުންނަށް އަޅުގަނޑަށް ކޮށްދެވޭ ކަމަކަށްވާނެ''

ރައީސް ޑރ މުހައްމަދު މުޢިއްޒު

ރައީސް މުއިއްޒު ވަނީ މަޖިލީހުގެ އިންތިހާބު އޮންނަ ދުވަސް ގާތްވެފައިވާއިރު ކެމްޕޭނު މަސައްކަތް އިތުރު ހަރުފަތަކަށް ގެންގޮސް ވަރުގަދަ ކުރެއްވުމަށް އެދުވަޑައިގެންފައެވެ. އަދި އެމަނިކުފާނުވަނީ ސަރުކާރުގެ ކެންޑިޑޭޓުން އިންތިހާބު ކުރުމަށްވެސް އެދިވަޑައިގެންފައެވެ.