އާރުޑީސީން އުތުރުގެ ރަށްތަކުގައި މަޝްރޫޢުތައް ފެށުމަށް ތައްޔާރުވަނީ

ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން އުތުރުގެ ރަށްތަކުގައި އެކުންފުނިން ކުރިއަށްގެންދިއުމަށް ނިންމާފައިވާ މަޝްރޫޢުތަކުގެ މަސައްކަތްތައް ފެށުމަށް ތައްޔާރުވެއްޖެއެވެ.

އާރުޑީސީން ދަނީ ނ އަދި ރ އަތޮޅުގެ ބައެއް ރަށްތަކުގެ އުމްރާނީ މަސައްކަތްތަކުގެ އަމަލީ މަސައްކަތް ފެށުމަށް ތައްޔާރުވަމުންނެވެ. އެގޮތުން ޕީ.އެސް.އައި.ޕީ މަޝްރޫޢުތައް ހިންގަމުންދާ ރަށްތަކުގެ ތެރެއިން ނ. ހޮޅުދޫ، ނ. މަނަދޫ، ނ. ކެނދިކުޅުދޫގެ އިތުރުން ނ. ވެލިދޫ އަދި ރ. ހުޅުދުއްފާރުގައި ކުރިއަށްދާ މަޝްރޫޢުތަކުގެ މަސައްކަތަށް ބޭނުންވާ ސާމާނު ފޮނުވުމުގެ މަސައްކަތް މިހާރު ވަނީ ފަށާފައެވެ.

އާރުޑިސީން ގެންދަނީ ގިނަ ރަށްތަކުގެ މަގުތައް ތަރައްޤީކުރުމުގެ މަސައްކަތް ކުރަމުންނެވެ.