ސިއްޙީ ޚިދުމަތް ހަރުދަނާ ކުރުމަށް ޑޮކްޓަރުން ދޭ އެއްބާރުލުމަށް ރައީސް މުޢިއްޒުގެ ޝުކުރު
ލިޔުންތެރިޔާ
ޚަދީޖާ އަރުފާ
ޞިއްޙީ ޚިދުމަތް ހަރުދަނާ ކުރުމަށް ކުރާ މަސައްކަތުގައި ދިވެހި ޑޮކްޓަރުން ދެމުންދާ މަޝްވަރާއާއި އެއްބާރުލުމަށް ރައީސް ޑރ މުޙައްމަދު މުޢިއްޒު ޝުކުރު އަދާކުރައްވައިފިއެވެ.
ރައީސް މުޢިއްޒު މިހެން ވިދާޅުވީ، މިއަދު ފާހަގަ ކުރާ ދިވެހި ޑޮކްޓަރުންގެ ދުވަހުގެ މުނާސަބަތުގައި ރައީސް މުޢިއްޒު އެކްސްގައި ކުރެއްވި ޕޯސްޓެއްގައެވެ.
ރައީސްގެ ޕޯސްޓްގައި އެމަނިކުފާނު ވަނީ، ދިވެހި ޑޮކްޓަރުންގެ ދުވަހުގެ ތަހުނިޔާއާއި ހެޔޮ އެދުންތައް ޞިއްޙީ ޚިދުމަތުގެ ދާއިރާގައި މަސައްކަތް ކުރައްވާ މުޅި ޢާއިލާއަށް އަރިސްކުރައްވާފައެވެ.
އެއާއެކު އެމަނިކުފާނު ވިދާޅުވީ، ސަރުކާރުން އެންމެ އިސްކަންދޭ އެއް ސިޔާސަތަކީ ރައްޔިތުންގެ ދުޅަހެޔޮކަން ކަމަށެވެ.
ޑޮކްޓަރުންނަށް ދިމާވާ އެކި ދަތިތައް ހައްލުކޮށްދިނުމަށް ޑޮކްޓަރުންނާއި ގުޅިގެން މަސައްކަތް ކުރަމުން އަންނަ ކަމަށް ސަރުކާރުން ބުނެއެވެ.
އެގޮތުން އެސްޓީއޯ ފާމަސީތަކުގެ ސްޓޮކްގައި ހުރި ބޭސްތަކުގެ މަޢުލޫމާތު ވަގުތުން ބެލޭނެގޮތަށް، ޑޮކްޓަރުންނަށް ޚާއްޞަކޮށްގެން އޮންލައިން ޕްލެޓްފޯމެއް ޤާއިމުކުރުމުގެ މަސައްކަތް ސަރުކާރުން މިހާރު ދަނީ ކުރަމުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
