ރިޕޯޓް ފޮތް ދީ، ސްކޫލްތަކުގެ ފުރަތަމަ ޓާމު ޗުއްޓީ މިއަދު ފެށިއްޖެ

ދަރިވަރުންގަށް ރިޕޯޓު ފޮތް ދިނުމަށްފަހު، މިއަހަރުގެ ސްކޫލްތަކުގެ ފުރަތަމަ ޓަރމު ޗުއްޓީ މިއަދު ފެށިއްޖެ އެވެ.

ސްކޫލްތަކުގެ ފުރަތަމަ ޓަރމްގެ ކިޔެވުން ނިމި ޓަރމް ޗުއްޓީ މިއަދު ފެށިފައިވާއިރު ދެން ދަރިވަރުންގެ ކިޔެވުން ފެށޭނީ 16 ދުވަހުގެ ކުރު ޗުއްޓީއަކަށްފަހު، އަންނަ އޮގަސްޓް މަހުގެ 10 ވަނަ ދުވަހު އެވެ.

އަދި ހަމައެހެންމެ މި އަހަރުގެ ދެވަނަ ޓަރމްގެ ކިޔެވުން ޑިސެމްބަރު މަހުގެ 25 ވަނަ ދުވަހު ނިމޭނެ އެވެ. އެހެންކަމުން ދެވަނަ ޓަރމްގެ ބޮޑު ޗުއްޓީ ފެށޭނީ މިއަހަރުގެ ޑިސެމްބަރު މަހުގެ 28 ވަނަ ދުވަހުން ފެށިގެން އަންނަ 2026 ވަނަ އަހަރުގެ ޖަނަވަރީ މަހުގެ 22 ވަނަ ދުވަހާ ހަމައަށެވެ.

ވުމާއެކު ސްކޫލްތަކުގެ ދެވަނަ ޓަރމް ޗުއްޓީއަކީ 25 ދުވަހުގެ ދިގު ޗުއްޓީއެކެވެ.

ދިރާސީ އަހަރުގެ ކިޔެވުން އަހަރުގެ މެދުތެރޭގައި ފަށާ ގޮތަށް އޮތް އޮތުން ނިމުމަކަށް ގެނެސް އިހު އޮތްގޮތަށް ޖަނަވަރީ މަހު ކިޔެވުން ފަށާގޮތަށް ސަރުކާރުން ވަނީ ބަދަލުކޮށްފަ އެވެ.