އެމްޑީޕީ ޤައުމީ މަޖިލިސް ބައި-އިލެކްޝަން އޮގަސްޓް މަހު؛ ކުރިމަތިލުމުގެ ފުރުސަތު ހުޅުވާލައިފި

މޯލްޑިވިއަން ޑިމޮކްރަޓިކް ޕާޓީ، އެމްޑީޕީގެ ޤައުމީ މަޖިލިސްގެ ހުސްވެފައިވާ މަޤާމްތަކަށް ކުރިމަތިލުމުގެ ފުރުޞަތު ހުޅުވާލައުފިއެވެ.

އެމްޑީޕީން ބުނީ، އެޕާޓީގެ ގައުމީ މަޖިލިސް ބައި-އިލެކްޝަން އިންތިޚާބު  02 އޯގަސްޓް 2024 ވާ ހުކުރު ދުވަހު އޮންނާނެ ކަމަށާ އަންނަނިވި ޝަރުތުތައް ފުރިހަމަވާ ފަރާތްތަކަށް އިންތިޚާބުގައި ވާދަކުރެވޭނެ ކަމަށެވެ.

ބައި-އިލެކްޝަން ވާދަކުރުމުގެ ޝަރުތުތައް

• 1 ޖުލައި 2024 އާއި ހަމައަށް މިޕާޓީގެ މެންބަރެއްގެ ގޮތުގައި އިލެކްޝަން ކޮމިޝަނުގައި ދަފްތަރުވެފައިވުން

• ވޭތުވެދިޔަ 5 އަހަރު ތެރޭގައި ޕާޓީގެ އަސާސީ ޤަވާއިދާއި ހިލާފުވެފައި ނުވާ މެންބަރެއްކަމުގައިވުން

މިމަޤާމްތަކަށް ކުރިމަތިލަން ބޭނުންވާ މެންބަރުން އިންތިޚާބަށް ކުރިމަތިލުމަށް އެދޭ ފޯމް ފުރިހަމަކުރުމަށްފަހު 07 ޖުލައި 2024 ވާ އާދިއްތަ ދުވަހު މެންދުރު 2:00 ގެ ކުރިން ހުށަހެޅުމަށް އެމްޑީޕީން އެދެއެވެ.