ެއެމްޑަބްލިޔުއެސްސީ އިސްކުރު ފެނަކީ ރައްކާތެރި ފެނެއް: އެމްއެފްޑީއޭ
އެމްޑަބްލިޔުއެސްސީގެ އިސްކުރު ފެނަކީ ބޭނުންކުުރުމަށް ރައްކާތެރި ފެނެއްކަމަށް މޯލްޑިވްސް ފުޑް އެންޑް ޑްރަގް އޮތޯރިޓީން ބުނެފިއެެވެ.
މިކަން ހާމަކުރުމަށް ހެލްތް މިނިސްޓްރީއާއި އެމްޑަބްލިޔުއެސްސީން މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަދައްކަމުން އެފްޑީއޭގެ ސީނިއާ ސައިންޓިފިކް އޮފިސަރު ސާޖިދާ މުހައްމަދު ވިދާޅުވީ އެމްޑަބްލިއުއެސްސީން ދޫކުރާ ފެނުގައި ވަސް ގަދަވުމުން ރަހައަށް ބަދަލު އަންނަ ކަމަށާއި ނަމަވެސް އެއީ ދުނިޔޭގެ ސިއްހަތު ޖަމިއްޔާ ޑަބްލިއުއެޗްއޯއިން ކަނޑައަޅާފައިވާ މިންގަނޑުތަކަށް ފެތޭ ރައްކާތެރި ބޯން ކެރޭ ފެންކަމަށެވެ.
ސާޖިދާ ވިދާޅުވީ ބޯފެނާއި މެދު މީހުންގެ މެދުގައި ވަަރަށް ގިނަ އަޑުތައް އަބަދުވެސް އިވެމުންދާކަމަށެވެ
"އަަޅުގަނޑުމެންގެ ތެރޭގައި ވަރަށް ގިނައިން ކިޔާ އަޑުއިވޭ ކްލޮރިން ލެވަލް ވަރަށް ދަށްކޮށޭ ހުންނަނީ. ނަމަވެސް އާންމުކޮށް ވަރަށް ގިނައިން އިވޭނެ އެމްޑަބްލިއުއެސްސީން ދޫކުރާ ފެނުގައި ވަރަށް ވަސްގަދައޭ،" ސާޖިދާ ވިދާޅުވިއެވެ.
ސާޖިދާ އިތުރަށް ވިދާޅުވީ ރާއްޖޭއަށް ދޫކުރާ ފެނުގައި ޖަރާސީމުގެ އެއްވެސް ބާވަތެއް ހުރިކަން ފާހަގަކުރެވިފައި ނުވާކަމަށެވެ. އަދި ބޯފެން ހެދުމަށް މޫދު ފެން ސާފުކުރުމުގެ މަރުހަލާގައި ބޭނުންކުރާ ކެމިކަލްތައް ވެސް ބޯފެން ދޫކުރާއިރު ހުންނަނީ ޑަބްލިޔުއެޗްއޯ އަދި އީޕީއޭ އިން ވެސް ކަނޑައަޅާފައި ހުންނަ މިންވަރަށް ވުރެ މަދުން ކަމަށް އޭނާ ފާހަގަކުރެއްވިއެވެ.
އޭނާ އިތުރަށްވަނީ ޑަބްލައިއެޗްއޯއިން ރާއްޖެ ވަޑައިގެންނެވި ބޭފުޅުންވެސް މި ސަރަހައްދުގެ ގައުމުތަކާ ބަލާއިރު އެންމެ ރަނގަޅު ސަޕްލައިފެން ދޫކުރަނީ ރާއްޖެއިން ކަމަށް ވިދާޅުވެފައިވާ ކަަމަށް ވިދާޅުވެފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
