ވޯޓު ކަރުދާހުގައި ޖެހި ފާހަގަައިގެ ފޮޓޯ ނަގައިގެން 4 މީހަކު ހައްޔަރުކޮށްފި

ރައްޔިތުންގެ މަޖިލީހުގެ އިންތިޚާބުގައި ވޯޓު ކަރުދާހުގައި ޖެހި ފާހަގަ އެނގޭ ގޮތަށް ފޮޓޯ ނަގައިގެން 4 މީހަކު ފުލުހުންގެ ބެލުމުގެ ދަށަށް ގެންގޮސްފިއެެވެ.

އެގޮތުން ހައްޔަރު ކުރި މީހުންގެ ތެރެއިން 3 މީހުންނަކީ އައްޑޫ ސިޓީ ފޭދޫ ސްކޫލްގައި ހުރި ވޯޓު ފޮއްޓަށް ވޯޓުލާން ގޮސް  ވޯޓު ކަރުދާހުގެ ފޮޓޯ ނެގި މީހުންނެވެ.

ފުލުުހުންގެ ބެލުމުގެ ދަށަށް ގެންދިޔަ 4 ވަނަ މީހަކީ ގއ. ވިލިނގިލީގައި ވޯޓު ކަރުދާހުގެ ފޮޓޯ ނެގިކަމަށް ކުރި 36 އަހަރުގެ ފިރިހެނެކެވެ.

ވޯޓު ލުމަށް ގޮސް ފޮޓޯ އަދި ވީޑިއޯ ކޮށްގެންނާއި އަދި އެހެން ގޮތަކުން ވެސް ވޯޓު ކަރުދާހުގައި ޖަހާ ފާހަގަ ދެއްކުމަކީ މަނާ ކަމެކެވެ.