ގދ.ތިނަދޫގައި ސައިކަލަކުން ކުއްޖެއްގެ ގައިގައި ޖެހި ނުރައްކާތެރި އެކްސިޑެންޓެއް

ތިނަދޫ ސިޓީގައި މަގުހުރަސްކުރަނިކޮށް ކުޑަކުއްޖެއްގެ ގައިގައި ބާރު ސްޕީޑުގައި ދުއްވާފައި ދިޔަ ސައިކަލެއް ޖެހި ނުރައްކާތެރި އެކްސިޑެންޓެއް ހިނގައިފިއެވެ.

ފުލުހުން ބުނި ގޮތުގައި އެ އެކްސިޑެންޓް ހިނގައިފައިވަނީ އިއްޔެ އިރުއޮއްސެނިކޮށެވެ. އެކްސިޑެންޓް ހިނގައިފައިވަނީ އެ ސިޓީގެ އާބާދީ ހިނގުމުގެ ހުޅަނގުން އިރަށް ބާރު ސްޕީޑުގައި ދުއްވައިފައި ދިޔަ ސައިކަލެއް، މަގު ހުރަސްކުރި ހަ އަހަރުގެ ފިރިހެން ކުއްޖަކު ގައިގައި ޖެހިގެންނެވެ.

މި އެކްސިޑެންޓުގައި މަގު ހުރަސްކުރި ކުއްޖާއަށް އަނިޔާވެގެން އެ ސިޓީގައި ހުންނަ ޑރ. އަބްދުއްސަމަދު މެމޯރިއަލް ހޮސްޕިޓަލަސް ވަނީ ގެންގޮސްފައެވެ.

ފުލުހުން ބުނި ގޮތުގައި މި އެކްސިޑެންޓުގައި ސައިކަލު ދުއްވައިފައިވަނީ އެ ކެޓެގަރީގެ ލައިސަންސް ނޯންނަ މީހެކެވެ. 21 އަހަރުގެ އޭނާ ދުއްވި ސައިކަލު ޓޯވްކޮށް، އޭނާ މިހާރު ވަނީ ފުލުހުންގެ ބެލުމުގެ ދަށަށް ގެނެސްފައެވެ.

ފުލުހުން ބުނި ގޮތުގައި އޭނާ ވަނީ އެކްސިޑެންޓުވުމުން މަޑުނުކޮށް ފިލާފައެވެ. އެ މައްސަލަ ފުލުހުން ގެންދަނީ ތަހުގީގުކުރަމުންނެވެ.