މަޝްރޫޢުތައް ހަވާލުކުރި ކުންފުނިތަކަށް ސަރުކާރުން ގަވާއިދުން ފައިސާ ދެމުންގެންދާނެ: ރައީސް
ލިޔުންތެރިޔާ
އަބްދުﷲ ހުސައިން
މިއަދު މަޝްރޫޢުތައް ހަވާލުކުރި ކުންފުނިތަކަށް ސަރުކާރުން ޤަވާއިދުން ފައިސާ ދެމުންގެންދާނޭކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
ސަރުކާރުން މިއަދު ވަނީ އަމިއްލަ ކުންފުނިތަކާ ގިނަ އަދަދެއްގެ މަޝްރޫއުތައް ހަވާލުކޮށްފައެވެ. އެގޮތުން 200 އަށްވުރެ ގިނަ މަޝްރޫޢުގެ މަސައްކަތް ކުރިއަށްގެންދިއުމަށް ވަނީ އަމިއްލަ ކުންފުނިތަކާ ހަވާލުކޮށްފައެވެ. މިކަމަށް ޓަކައި މިއަދު ބޭއްވި ރަސްމިއްޔާތުގައި ވާހަކަދައްކަވަމުން ރައީސް ޑރ.މުއިއްޒު ވިދާޅުވީ ކުރީ ސަރުކާރުން އަމިއްލަ ކުންފުނިތަކާ ހަވާލުކޮށް މަޝްރޫޢުަތައް ނިންމާފައި ފައިސާ ނުދޭ މައްސަލަތައް ފެންމަތިވެފައިވީނަމަވެސް، މިއަދު ސަރުކާރުން ކުންފުނިތަކާ ހަވާލުކުރި މަޝްރޫޢުތަކަށް ގަވާއިދުން ފައިސާ ދެމުންދާނޭކަމަށެވެ.
ރައީސް ވިދާޅުވީ މިއަދު މި ސޮއިކުރެވިގެންމިދިޔައީ ފައިސާ ލިބުމުގެ ތާށިކަން ނާންނާނޭ ފަދަ ގޮތަކަށް އިންތިޒާމު ކުރެވިގެން ކުރިއަށްގެންދާ މަޝްރޫޢުތަކެއް ކަމަށާއި، އާއްމުކޮށް ސަރުކާރުން ހިންގާ މަޝްރޫޢުތަކުގައި ފައިސާލިބުން ލަސްތަކެއް އައިނަމަވެސް، މި މަޝްރޫޢުތަކުގައި އެ މައްސަލަ ދިމާނުވާނޭކަމަށެވެ. ރައީސް ވިދާޅުވީ މަސައްކަތްހަވާލުކުރި ކުންފުންޏަކުން އެ މަސައްކަތް ނިންމަން މަޖުބޫރުވާނޭކަމަށާއި، އެކަމުގައި ޕޭމަންޓަށް އެދި ހުށަހެޅުމުން ފައިސާ ލިބޭނޭކަމަށާއި އެގޮތުން މި މަޝްރޫޢުތަކުގެ މަސައްކަތްތައް ވަރަށް ހަލުވިމިނެއްގައި ކުރިއަށްދާނޭކަމަށެވެ.
ރައީސް ވަނީ މަޝްރޫޢޫތަކުގެ މަސައްކަތްތައް ކުރިއަށް ގެންދިއުމުގައި ސަރުކާރުގެ ކަމާބެހޭ އިދާރާތަކުން ދޭންޖެހޭ ފުރިހަމަ އެއްބާރުލުން ދޭނޭކަމުގެ ޔަގީންކަން ދެއްވާފައެވެ.
ރައީސް ވިދާޅިުވީ މިއަދަކީ ރާއްޖޭގެ ތާރީހުގައިވެސް އެންމެ ގިނަ އަދަދަކަށް އަމިއްލަ ކުންފުނިތަކާ ސަރުކާޜުގެ މަސައްކަތްތައް ހަވާލުކުރެވުނު ދުވަސްކަމަށާއި، ބޭނުންވަނީ ރައްޔިތުންނަށް ތަނަވަސްކަން ހޯދައިދޭންކަމަށެވެ. އަދި މިއީ ރާއްޖޭގެ އިގްތިސާދު ރަނގަޅު މިސްރާބަކަށް ހުރިކަމުގެ ހެތްކެއްކަމަށްވެސް ރައީސްގެ ވާހަކަފުޅުގައި ފާހަގަކުރެއްވިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
