އެމްޓީސީސީ އިން ހިއްސާއަކަށް 2 ރުފިޔާ ބެހުމަށް ނިންމައިފި

މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އަށް މިދިޔަ 2024 އަހަރު ލިބުނު ފައިދާއިން ކޮންމެ ހިއްސާއަކަށް 2 ރުފިޔާ ބަހަން ފާސްކޮށްފިއެވެ.

އެމްޓީސީސީ މިގޮތަށް ފާސްކޮށްފައިމިވަނީ ރޭ ބާސެލޯ ނަސަންދުރާގައި ބޭއްވި އެމްޓީސީސީގެ އަހަރީ އާއްމު ޖަލްސާގައެވެ. އެމްޓީސީސީި ހިއްސާގެ ފައިދާގެ ގޮތުގައި 5.5 މިލިޔަން ރުފިޔާ މިއަހަރު ބެހުމަށް ވަނީ ހަމަޖެހިފައެވެ. އެގޮތުން ހިއްސާގެ ފައިދާގެ ގޮތުގައި މޫނުމަތީ އަގު 5ރ. ރުފިޔާއިން ހިއްސާއަަކަށް 2 ރުފިޔާ ބަހަން ފާސްކޮށްފައިމިވަނީ އަހަރީ އާންމު ޖަލްސާގައި ބައިވެރިވި 99.95 އިންސައްތަ ހިއްސާދާރުންގެ ވޯޓުންނެވެ.

މިއަހަރުގެ އެމްޓީސީސީގެ އަހަރީ އާއްމު ޖަލްސާގައި ޖުމްލަ 156 ހިއްސާދާރުން ވަނީ ބައިވެރިވެފައިވާއިރު އެއީ އެމްޓީސީސީގެ ޖުމްލަ ހިއްސާދާރުންގެ 69.62 އިންސައްތައެވެ.

އެމްޓީސީސީގެ ފައިދާއަށް 2 ރުފިޔާ ބަހަން ނިންމާފައިވާއިރު އެ ކުންފުނީގެ އަހަރީ ރިޕޯޓުގައިވާ ގޮތުން، މިދިޔަ އަހަރު ސާފު ފައިދާގެ ގޮތުގައި 44.8 މިލިޔަން ރުފިޔާ އެކުންފުންޏަށް ވަނީ ލިބިފައެވެ. އަދި 2023 ވަނަ އަހަރު އެކުންފުންޏަށް ސާފު ފައިދާގެ ގޮތުގައި ލިބުނީ 96.6 މިލިޔަން ރުފިޔާއެވެ. އެހެންކަމުން މިއީ 53.6 އިންސައްތަ ދަށް އަދަދެކެވެ.

އެމްޓީސީސީ އަށް 2023 ވަނަ އަހަރު ސާފު ފައިދާގެ ގޮތުގައި 97 މިލިއަން ރުފިޔާ ވަނީ ލިބިފައެވެ.