ވަގަށް މީހުން ވެއްދިނަމަ ޕާޓީއަށް 40،000 ހާސް މީހުން ވައްދާނަން: އިހްސާން

ޑިޕާޓްމެންޓް އޮފް ނެޝަނަލް ރެޖިސްޓްރޭޝަން (ޑީއެންއާރު)ގެ އޮފީސް ތެރޭގައި 'ވަގު ފޯމު'ތަކެއް ފުރުއްވިނަމަ ފުރުއްވާނީ 40،000 ފޯމު ކަމަށް ހޯމްލޭންޑް މިނިސްޓަރު އަލީ އިހުސާން މިއަދު ވިދާޅުވެއްޖެއެވެ.

ވަޒީރު އިހްސާންގެ އިތުބާރު ނެތް ކަމަށް ބުނެ، އެމްޑީޕީން މަޖިލީހަށް ހުށަހަޅާފައިވާ މައްސަލާގެ މިއަދުގެ މަޖިލީހުގައި ކުރިއަށް ގެންގޮސްފައުވާއިރު، އެމްޑީޕީން ހުށަހެޅި އެ މައްސަލާގައި އެ ޕާޓީން ވަނީ، އިހްސާންގެ ބެއްލެވުމުގެ ދަށުން ހިންގާ، ޑީއެންއާރުގެ މައުލޫމާތު ބޭނުންކޮށްގެން ވެރިކަން ކުރާ ޕީއެންސީއަށް މެންބަރުން ވެއްދި ކަމަށް ތުހުމަތު ކޮށްފައެވެ.

އެ ތުހުމަތުތައް ދޮގު ކުރައްވައި އިހްސާން ވިދާޅުވީ، ވެރިކަންކުރާ ޕީއެންސީއަށް  މެންބަރުން އިތުރު ކުރުމަށް ކުރި މަސައްކަތުގެ ތެރޭގައި އެ ޕާޓިއަށް 40،000 މެންބަރުން ވައްދާފައިވާ ކަމަށެވެ.

އެހެނީ ޑީއެންއާރުގެ ތެރެއިން އެގޮތަށް ވައްދާނަމަ، މީހުންގެ މައުލޫމާތު ނަންގަވައިގެން ފޯމުތައް ހުށަހަޅާއިރު އެންމެ 17،000 ވައްދަންވީ ސަބަބެއް ނެތް ކަމަށް ވަޒީރު ވިދާޅުވުއެވެ.

"މިދިޔަ ދުވަސްތަކުގައި ޕީއެންސީއަށް 40،000 އަށްވުރެ ގިނަ ފޯމު ވެއްދިއިރުގައި އަޅުގަނޑު ޑީއެންއާރުގެ ޑޭޓާ ބޭނުންކޮށްގެން ފޯމު ވެއްދި ނަމަ 1،700 ފޯމެއް ނޫން އަޅުގަނޑު ވައްދާނީ. އެ ނިޒާމުން އަޅުގަނޑުމެން މީހުން ވެއްދި ނަމަ އަޅުގަނޑު 40،000 މީހުން ވައްދާނަން. ކީއްކުރަންތޯ އެހެން މީހުންނަށް އެހާ ބުރަކޮށް މަސައްކަތް ޖައްސަނީ؟ މިއީކީ ތާކުންތާކުޖެހޭ ވާހަކައެއް ނޫން،“

ވަޒީރު އިހްސާން

ވަޒީރު އިތުރަށް ވިދާޅުވީ، ޑާޓާ ބޭސްގައި ދެލައްކަހަތްދިހަ ހާހަށްވުރެ ގިނަ ވޯޓު ލެވޭ މީހުންގެ މައުލޫމާތު ހިމެނޭ ކަމަށާ، އެހެން ކަމުން ބޭނުން ނަމަ ގިނައިންވެސް ވެއްދޭނެ ކަމަށާ، ނަމަވެސް އެފަދައިން ވަގަށް ފޯމެއް ވައްދާފައި ނުވާނެ ކަމަށެވެ.