ބިދޭސީން އެތެރެކުރުމުގެ ކަންކަން އިމިގްރޭޝަން އަތުން ނަގައި އިކޮނޮމިކް މިނިސްޓްރީއަށް
ބިދޭސީ މަސައްކަތްތެރީން ރާއްޖެއަށް އެތެރެވުމާއި ގުޅޭ ހުރިހާ ކަމެއްގެ މަސްއޫލިއްޔަތު މޯލްޑިވްސް އިމިގްރޭޝަންގެ އަތުން ނަގައި، އިކޮނޮމިކް މިނިސްޓްރީއާއި ހަވާލުކޮށްފިއެވެ.
މި ޚިދުމަތްތައް އެ މިނިސްޓްރީގެ ދަށަށް، އަންނަ މާޗް މަހުގެ ތެރޭގައި ބަދަލުކުރުމަށް ސަރުކާރުން ނިންމާފައިވާ ކަމަށްބުނެ އިކޮނޮމިކް މިނިސްްޓްރީން ވަނީ އިއުލާނެއްކޮށްފައެވެ.
އެ އިއުލާނުގައިވާގޮތުގައި މިނިސްްޓްރީގެ ދަށަށް ގެނައުމަށް ހަމަޖެހިފައިވާ ޚިދުމަތްތަކަކީ:
-ރާއްޖެއަށް އެތެރެވާ ބިދޭސީންގެ ކަންކަން ބެލެހެއްޓުމަށް ބޭނުންކުރާ އެކްސްޕެޓް އޮންލައިން ސިސްޓަމްގައި ރެޖިސްޓްރީވުމުގެ މަސައްކަތްތައް
-ކޯޓާ ހަމަޖައްސައިދިނުން
-އެންޕްލޯއިމެންޓް އެޕްރޫވަލް ދިނުން
-ވިސާ ޑިޕޮސިޓް ފީ ބަލައިގަތުން އަދި ރީފަންޑްކުރުން، މިއެވެ.
މި ހިދުމަތްތައް މިނިސްޓްރީގެ ދަށަށް ގެނައުމަށް ނިންމީ ލޭބަ އެންޑް އެންޕްލޯއިމެންޓް މެންޑޭޓްގެ ތެރޭގައި ހިމެނޭ މަސައްކަތްތަކުގެ ތެރެއިން، ބިދޭސީ މަސައްކަތު މީހުން ރާއްޖެއަށް އެތެރެވުމަށް ހުއްދަ ދިނުމާބެހޭ މަސައްކަތްތައް ހަރުދަނާކުރުމުގެ ގޮތުން ސަރުކާރުން އެކަށައަޅުއްވާފައިވާ ސިޔާސަތުތައް ތަންފީޒުކުރުމަށްކަމަށް މިނިސްޓްރީން މައުލޫމާތުދެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
