ރަޝިއާގެ އިންޒާރެއް އިޒްރާއީލަށް. "އީރާނުގެ ނިއުކްލިއާ ރިއެކްޓަރުތަކަށް ހަމަލާދޭން ނޫޅޭތި"

އީރާނުގައި ހުންނަ ނިއުކްލިއާ ރިއެކްޓަރުތަކަށް ހަމަލާދީފިނަމަ، އެއީ ރަޝިއާއަށް ތަހައްމަލުކުރެވޭނެ ކަމެއް ނޫންކަމަށް އެޤައުމުން ބުނެފިއެވެ.

ހޫނުވެފައިވާ އިޒްރާއީލް، އީރާންގެ މައްސަލައާ ގުޅޭގޮތުން ރަޝިއާގެ ހާރިޖިއްޔާގެ ނައިބު ސާގޭ ރިޔާބްކޯވް ރަޝިއާގެ ނިއުސް އޭޖެންސީ ޓަސްއަށް ދިން ބަސްދީގަތުމެއްގައި ވިދާޅުވީ، އީރާނުން އިޒްރާއީލަށް ދިން މިސައިލް ހަމަލާތަކަށްފަހު އިޒްރާއީލުން އޮތީ ކޮންމެ ފަދަ ވަގުތެއްގައިވެސް އީރާނަށް ނުރައްކާކުރާ ހާލަތުގައިކަމަށެވެ.

ރިޔާބްކޯވް ވިދާޅުވީ ބަދަލުގައި އީރާންގެ ނިއުކްލިއާ ތަރައްޤީގެ އެއްވެސް ދިމާލަކަށް ހަމަލާދީފިނަމަ، ރަޝިއާ ބަލަން ނޯންނާނެ ކަމަށެވެ. އެހެންކަމުން އީރާނުގެ ނިއުކްލިއާ އެއްވެސް އިންފްރާސްތަކްޗަރ އަކަށް އަމާޒުކޮށް ހަމަލާދޭން ނޫޅުމަށް އޭނާ ވަނީ އިޒްރާއީލަށް އިންޒާރުދީފައެވެ.

" އިޒްރާއީލުން އީރާނުގެ ނިއުކްލިއަ މަރުކަޒުތަކަށް ހަމަލާދީފިނަމަ އެގެން ކަނޑައެޅިފައިވާ އުސޫލްތަކާ ހިލާފްވީ. " ރިޔާބްކޯވް ވިދާޅުވިއެވެ.

އީރާނު މައްސަލައިގަ ރަޝިއާއިން އިޒްރާއީލަށް އިންޒާރުދިނީ ކޮން މާނައެއްގައިކަން ނޭނގުނަސް އިޒްރާއީލުން އީރާނަށް ހަމަލާދީފިނަމަ މެދުއިރުމަތީގެ ހާލަތު މުޅިން އެހެން ގޮތަކަށް ނިއުޅިގެންދާނޭކަމަށް މުރާސިލުން ބުނެއެވެ.

އިޒްރާއީލްގެ ބޮޑުވަޒީރު ނަތަންޔާހޫގެ އޮފީހުން ނެރުނު ބަޔާނުގައި ބުނެފައިވަނީ، އީރާނުގެ ނިއުކްލިއާ ތަރައްޤީގެ އެއްވެސް ދިމާލަކަށް ހަމަލާދިނުމަށް އިޒްރާއީލުން ވިސްނާނީ އެޤައުމުގެ ސަލާމަތާ ރައްކާތެރިކަން ކަށަވަރުވާނޭކަން ޔަގީންކުރުމަށްފަހުގައި ކަމަށެވެ. ހަބަރުތައް ބުނާގޮތުގައި އިޒްރާއީލަށް އެންމެބޮޑަށް ވާގިވެރިވާ އެމެރިކާއިން ވަނީ އިހަށް އަދި އީރާނަށް ހަމަލާ ނުދިނުމަށް ލަފާދީފައެވެ.