ދިރިއުޅުމުގައި ދިމާވާ ދަތިތަކާއި ކުރިމަތިލުމުގެ ހުނަރުތައް ދަސްކޮށްދޭ ކޯޗިންގ ސެޝަނުގައި ބައިވެރިވުމުގެ ފުރުސަތު

'ދަ ކޯޗިންގ ކޯ' އިން އަންނަ މަހު ބާއްވާ ގްރޫޕް ކޯޗިންގ ސެޝަނުގައި ބައިވެރިވުމުގެ ފުރުސަތު ހުޅުވާލައިފިއެވެ.

މި ސެޝަނަކީ "ކޮންސިސްޓެންސީ ތްރޫ ރެސިލިއެންސް: ސްޓޭއިންގ ސްޓްރޯންގ އިން ދަ ފޭސް އޮފް އެޑްވަރސިޓީ" މި ނަމުގައި ބޭއްވޭ ސެޝަނެވެ.

ދަ ކޯޗިންގ ކޯ އިން މަޢުލޫމާތު ދިން ގޮތުގައި މި ސެޝަން އޮންނާނީ 15 ފެބްރުއަރީ 2025 ވަނަ ދުވަހުގެ ރޭ 8:00 އިން 10:00 އަށެވެ. މި ސެޝަން ނަގައިދެއްވާނީ އައި.ސީ.އެފްގެ ސެޓިފައިޑް ޕްރޮފެޝަނަލް ކޯޗް އަދި ސެޓިފައިޑް ގްރޫޕް ކޯޗް މަރިޔަމް މުޙައްމަދެވެ.

ދަ ކޯޗިންގ ކޯ އިން ބުނީ މި ޕްރޮގްރާމްގެ މަޤްޞަދަކީ ކޯޗިންގ އަށް ގިނަ ބަޔަކު އަހުލުވެރިކޮށް، އޭގެ ފައިދާ މުޖުތަމަޢުގެ ގިނަ ބަޔަކަށް ފޯރުކޮށްދިނުން ކަމަށެވެ. އަދި އަމިއްލަ ދިރިއުޅުމުގައި ކަމެއް ހާސިލުކުރަން ނުވަތަ އުފާވެރިކަން ހޯދުމަށް، ނޫނީ ކުރާ މަސައްކަތާ ގުޅިގެން ކަމެއް ހާސިލުކުރަން ބޭނުންވާ ކޮންމެ ފަރާތަކަށްވެސް މި ޕްރޮގްރާމުން ފައިދާ ކުރާނެ ކަމަށާއި މިއީ އެއިން ކޮންމެ ފަރާތަކަށްވެސް ވަރަށް ރަނގަޅު ތަޖުރިބާއަކަށް ވެގެންދާނެ ކަމަށް އެ ފަރާތުން ބުންޏެވެ.

އެގޮތުން، މި ސެޝަނުގައި، ބައިވެރިންނަށް އެމީހުންގެ ލަނޑުދަނޑިތައް ހާސިލް ކުރުމަށް ދިމާވާ ގޮންޖެހުންތަކާ ކުރިމަތިލުމުގެ ހުނަރު ދަސްކޮށްދީ، އަމިއްލަ ޤާބިލުކަން އިތުރުކޮށް، ކާމިޔާބީއާ ދިމާއަށް ދަތުރުކުރުމަށް ބޭނުންވާ ޢަމަލީ ފިޔަވަޅުތައް އެޅުމަށް މަގުފަހިކޮށްދެވޭނެ ކަމަށް ދަ ކޯޗިންގ ކޯ އިން ބުނެފައިވެއެވެ.

މީގެ އިތުރުން، ބައިވެރިންނަށް އެކަކު އަނެކަކާ ވާހަކަދައްކައި، ޚިޔާލު ބަދަލުކޮށް، އެކަކު އަނެކެއްގެ ތަޖުރިބާ ހިއްސާކުރުމުގެ ފުރުޞަތު ލިބިގެންދާއިރު، މިއީ ގޮންޖެހުންތަކާއި ކުރިމަތި ލުމަށް އެކި މީހުން ގެންގުޅޭ އުކުޅުތައް ދަސްވެ، އެކަމުގެ ގިނަ ފައިދާ ތަކެއް ލިބިދޭނެ ކަމެއް ކަން ފާހަގަކޮށްފައިވެއެވެ.

ދަ ކޯޗިންގ ކޯ އިން ބުނި ގޮތުގައި މިއީ ސިލްސިލާކޮށް ކުރިއަށްގެންދާ ސެޝަންތަކުގެ ތެރެއިން ދެވަނަ ސެޝަނެވެ. ފުރަތަމަ ސެޝަން ބޭއްވިފައިވަނީ ޖަނަވަރީ މަހުގައެވެ.

އަދި މި ސެޝަނުގައި އެންމެ ގިނަވެގެން ބައިވެރިވެވޭނީ 10 މީހުންނަށް ކަމަށާ، ސެޝަންގައި ބައިވެރި ވުމަށް އަންނަނިވި ލިންކުގައިވާ ފޯމު ފުރުމަށް އެފަރާތުން އެދިފައިވެއެވެ.

https://forms.gle/yJ44Nc8avwbxbUH79

މި ސެޝަނާ ގުޅޭ އިތުރު މަޢުލޫމާތު ދަ ކޯޗިންގ ކޯ ގެ ފޭސްބުކް ޕޭޖް،  ، ލިންކެޑިން އަދި އިންސްޓަގްރާމުން ލިބެން ހުންނާނެ ކަމަށާ، އަދި [email protected] އަށް އީމެއިލް ކުރުމުން ނުވަތަ 9446363 ނަންބަރަށް ގުޅުމުންވެސް ލިބިގެންދާނެ ކަމަށް ކޯޗިންގ ކޯ އިން ބުނެފައިވެއެވެ.