ފޭސް2 ގައި ކާރެއް ފުރޮޅާލައިފި
ރޭ ފޭސް 2 ގައި ދުއްވަމުންދިޔަ ކާރެއް ފުރޮޅާލި މައްސަލައެއް ފުލުހުން ތަހުގީގު ކުރަން ފަށައިފިއެވެ.
"ވޮއިސް" އަށް މައުލޫމާތު ދެއްވަމުން ފުލުހުންގެ މީޑިއާ އޮފިޝަލަކު ވިދާޅުވީ މި ހާދިސާ ހިނގާފައިވަނީ ރޭ 10:30 ހާއިރު ކަމަށެވެ.
ފުލުސް އޮފިޝަލް ވިދާޅުވީ ރޭ ބާރު ސްޕީޑްގައި ދުއްވާފައި އައި ކާރެއް ފިތުރޯނު މަގުން ހުޅުމާލެ ފޭސް2 އަށް ދިއުމުގެ މަގުމަތީގައި ކާރު ފުރޮޅާލި މައްސަލަ ފުލުހުންނަށް ރިޕޯޓްކޮށްފައިވާ ކަމަށެވެ. މި އެކްސިޑެންޓްގައި އެއްވެސް މީހަކަށް އަނިޔާވެފައިނުވާ ކަމަށް އޭނާ ވިދާޅުވިއެވެ.
ފުލުސް އޮފިޝަލް ވިދާޅުވީ މިހާރު އެ މުއައްސަސާއިން މި މައްސަލަ ތަހުގީގު ކުރަމުންދިޔަ ކަމަށެވެ.
ފުލުހުން މި މައުލޫމާތު ހިއްސާކޮށްފައިވާއިރު މީގެ ދެ ދުވަސް ކުރިންވެސް އަމީނީމަގު ގާކޮށި ކުރިމަތިން ދުއްވާފައި ދިޔަ ކާރެއް ކޮންޓްރޯލް ނުވެ އެކްސިޑެންޓެއް ހިނގާފައިވާ ކަމަށް ފުލުހުން ބުންޏެވެ. އަދި މި އެކްސިޑެންޓްގައި އެ ސަރަހައްދުގައި ޕާކުކޮށްފައި ހުރި 6 ސައިކަލަކާއި ކާރަކަށް ގެއްލުންވެފައިވާ ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
