ލުތުފީ ހޯދުމަށް އެންމެ ގިނަ މަސައްކަތް ކުރި ވަޒީރަކީ އަޅުގަނޑު: އުމަރު

ހ.ހާޖަރާާގޭ އަބްދުﷲ ލުުތުފީ ހޯދުމަށް އެންމެ ގިނަ މަސައްކަތް ކުރި ވަޒީރަކީ އެބޭފުޅާކަމަށް ކުރީގެ ހޯމް މިނިސްޓަރ އުމަރު ނަސީރު ވިދާޅުވެއްޖެއެވެ.

އުމަރު މިހެން ވިދާޅުވީ މިއަދު ކުރެއްވި ފޭސްބުކް ޕޯސްޓެއްގައެވެ.

އެބޭފުޅާ ވިދާޅުވީ މަޖިލިސްގައި މިނިސްޓަރ އިމްރާން، އެބޭފުޅާ ބެހޭ ގޮތުން ހެއްދެވީ ކަނޑައެޅިގެން ދޮގެއްކަމަށާއި ލުތުފީ ހޯދުމަށް އެންމެ ގިނަ މަސައްކަތް ކުރި ވަޒީރަކީ އުމަރު ކަމަށެވެ.

އުމަރު މިހެން ވިދާޅުވިއިރު، މިއަދު އޮތް ރައްޔިތުންގެ މަޖިލީހުގެ ޖަލްސާގައި ހޯމް މިނިސްޓަރ އިމްރާން އަބްދުﷲ ވަނީ ލުތުފީ ހޯދުމަށް، އުމަރު ނަސީރު މިނިސްޓަރ ކަމުގައި ހުންނެވިއިރު މާގިނަ މަސައްކަތްތަކެއް ނުކުރައްވާފަދަ މޭރުމަކުން ވާހަކަފުޅު ދައްކަވާފައެވެ.

ޝައިޚް އިމްރާާން ވިދާޅުވީ 2014 ގައި މޯލްޑިވްސް ޕޮލިސް ސަރވިސް އަށް ލުޠުފީ ފިލައިގެން ހުރިތަން އެނގިފައިވާ ކަމަށާއި އަދި އޭނާގެ ބައެއް މުއާމަލާތްތަކާއި އުޅެފައި ހުރި ތަންތަންވެސް އެނގުނުކަމަށެވެ.

"އަދި އެދުވަސްވަރުގައި މޯލްޑިވްސް ޕޮލިސް ސަރވިސްގެ ފަރާތުން ލުޠުފީ އަނބުރާ ގެނައިމަށްޓަކައި މަސައްކަތްތަކެއް ކޮށް، އެކަމުގެ ވަރަށް ފަހު ސްޓޭޖަކާ ހަމައަށް ގެންދެވުނުކަމަށްވޭ.” ހޯމް މިނިސްޓަރ އިމްރާން މިއަދު ވިދާޅުވިއެވެ.

އިތުރަށް ވާހަކަފުޅު ދައްކަވަމުން އިމްރާން ވިދާޅުވެފައިވަނީ އޭރުގެ ހޯމް މިނިސްޓަރ އެކަމަށް ހުއްދަ ނުދީގެންކަމަށެވެ.