އެމްޑީޕީގެ ރައީސް ކަމަށް ޝާހިދު ވާދަކުރައްވަނީ

ހުސްވެެފައިވާ އެމްޑީޕީގެ ރައީސް ކަމުގެ މަގާމަށް ކުރީގެ ފޮރިން މިނިސްޓަރު އަބްދުالله ޝާހިދު ވާދަކުރައްވަން ނިންމަވައިފިއެވެ.

މިކަން އިއުލާން ކުރައްވައި ޝާހިދު މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ އައު ފޯރިޔަކާއި އައު ޖޯޝަކާއި އެކު، އާބާރެއްގައި އެމްޑީޕީ ނިކުމެ ރައްޔިތުން އެދޭބމިސްރާބަށް ރަާއްޖެ އަލުން ގެންދިޔުމަށް އެންމެން އެކުވެ އަތުގުޅާލަންބވެއްޖެކަން ބަލާލި ކޮންމެ ދިމާލަކުން މިއަދު ފެންނަ ކަމަށެވެ.

އެކަމަށްޓަކައި އެމްޑީޕީގެ ރައީސް ކަމަށް އޭނާ ވާދަކުރައްވަން ނިންމާފައިވާ ކަން އިއުލާން ކުރައްވައި ޝާހިދު ވަނީ އެޕާޓީގެ މެމްބަރުންގެ ތާއީދާ އެއްބާރުލުން އޭނާއަށް ދިނުމަށް އެދިވަޑައިގެންފައެވެ.

ޕާޓީގެ ރައީސް ކަމުގެ މަޤާމަށް ކުރިމަތިލުމަށް އެދޭ މެންބަރުންނަށް އެފުރުޞަތު މި މަހުގެ 20 ވަނަ ދުވަހުގެ 14:00 އާއި ހަމައަށް ހުޅުވާލެވިފައިވާއިރު، އަދި އެ މަގާމަށް ވާދަކުރައްވާ ކަން އިއުލާން ކޮށްފައިވަނީ ޝާހިދު އެކަންޏެވެ.

އެމްޑީޕީގެ ރައީސްކަމުގެ މަޤާމް ހުސްވެގެން ދިޔައީ ކުރިން އެމަގާމުގައި ހުންނެވި ކުރީގެ ރައީސް މުޙައްމަދު ނަޝީދާއި ނިމިދިޔަ ސަރުކާރުގައި ވެރިކަން ކުރެއްވި އިބްރާހީމް މުޙައްމަދު ޞާލިހް އާއި ދެބޭފުޅުންގެ ދެމެދުގައި އުފެދުނު ދެކޮޅުވެރި ކަމާއި ގުޅިގެން ނަޝީދު އެމްޑީޕީން ވަކިވެވަޑައިގެން ރައީސްކަމުގެ މަޤާމުން އިސްތިއުފާ ދެއްވުމާއި ގުޅިގެންނެވެ.

މިވަގުތު އެމްޑީޕީގެ ވަގުތީ ރައީސްއެއްގެ ގޮތުގައި ހުންނެވީ ޞާލިހެވެ.