އެމްޓީޑީއަށް އިއްޔެ އެކަނިވެސް 600 ފޯމް!
ކުރީގެ ނައިބު ރައީސް އަހުމަދު އަދީބު އިސްކޮށް ހުންނަވާ އުފެއްދެވި މޯލްޑިވްސް ތާޑްވޭ ޑިމޮކްރަޓްސްއަށް ގިނަ އަދަދެއްގެ ފަރާތްތަކުން ގުޅެމުންދާކަމަށް އެޕާޓީން ބުނެފިއެވެ.
އެމްޓީޑީން މައުލޫމާތު ދީފައިވާ ގޮތުގައި ރޭ އެކަނިވެސް އެޕާޓީއަށް ވަނީ 600 އަށްވުރެ ގިނަ މެންބަރުން އަލަށް ގުޅިފައެވެ. މީގެ ތެރޭގައި އެކި އުމުރުފުރާތަކުގެ، އެކި ފަންތީގެ ފަރާތްތައް ހިމެނޭކަމަށް އެޕާޓީން މައުލޫމާތުދެއެވެ.
ވޮއިސްއަށް މައުލޫމާތު ދެއްވަމުން އެމްޓީޑީގެ ނައިބު ރައީސް އަދި ރައްޔިތުންގެ މަޖިލީހުގެ ވެލިދޫ ދާއިރާގެ މެންބަރު އަބްދުﷲ ޔާމީން ވިދާޅުވީ އެމްޓީޑީއަށް އެކި ފަރާތްތަކުގެ ފަރާތުން ރަނގަޅު ތަރުހީބެއް ލިބެމުންދާ ކަމަށެވެ. އަދި މިއީ ކުރީގެ ނައިބު ރައީސް އަދީބަށް ތާއިދުކޮށް، އޭނާގެ ކިބައިން ހިތްވަރު ލިބިގަނެގެން ނިކުންނަ ފަރާތްތަކެއްކަމަށް ޔާމީން ސިފަކުރެއްވިއެވެ.
މިއަދުގެ ވަގުތުތަކުގައިވެސް ގިނަ ފަރާތްތަކުން އެމްޓީޑީއަށް ގުޅޭނެކަމަށް އެޕާޓީން ވަނީ ބުނެފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
