ވެހިކަލް ދުއްވުން މަނާކުރުމުން ވައިސާފުވި: އީޕީއޭ
މިއަހަރުގެ ފިތުރު އީދު ދުވަހާއި ގުޅުވައިގެން ވެހިކަލްތައް ދުއްވުން މަނާކުރުމުން މާލޭގެ ވައި ވަރަށް ބޮޑަށް ސާފުވިކަމަށް އީޕީއޭއިން ބުނެފިއެވެ.
އީޕީއޭއިން ނެރުނު ބަޔާނެއްގައި ބުނެފައިވަނީ މިމަހުގެ ތިން ވަނަ ދުވަހު އާންމުކޮށް ދުއްވާ އެއްޗެހި ދުއްވި ވަގުތު އެއާ ކޮލެޓީ ބެލި އިރަށް ވުރެ، އީދާ ގުޅިގެން ހަތަރު ވަނަ ދުވަހު ވެހިކަލް ދުއްވުން މަނާކޮށްފައި އޮތް ވަގުތު ވައިގެތެރެއިން ސިއްހަތަށް ގެއްލުންދޭ މާއްދާތަށް ބޮޑުތަނުން މަދުވެގެން ދިޔަ ކަމަށް ދެއްކި ކަމަށެވެ.
އީޕީއޭގެ ފަރާތުން ދަރުބާރުގޭ ކައިރިން، އާންމު ޓްރެފިކްގައި އެއާ ކޮލެޓީ ޓެސްޓް ކުރި ވަގުތު 1152 އުޅަނދު ދަތުރު ކުރި ކަމަށް ރެކޯޑް ކުރެވިފައިވާ ކަމަށް އީޕީއޭން ބުނެ އެވެ.
އަދި އީދު ދުވަހު ހަވީރު ވެހިކަލް ދުއްވުން މަނާ ގަޑީގައި އެ ސަރަހައްދުގައި ޓެސްޓް ހެދި ވަގުތު ވެސް 76 އުޅަނދު ދަތުރު ކުރިއެވެ.
އީޕީއޭން ބުނީ، ވައިގެ ތަގައްޔަރުވުން ކުޑަ ކުރުމަށް މާލޭގައި ވެހިކަލް ގެންގުޅެވޭ މިންވަރު ލިމިޓްކޮށް، އާންމުކޮށް ވެހިކަލް ދުއްވުން މަނާ ވަގުތުތައް ކަނޑައެޅުން މުހިންމު ކަމެއްކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
