މިއަދު މި ވަނީ ރައްޔިތުންގެ ބާރުތައް ދެމެހެއްޓުމުގެ މަސައްކަތް އާ ހިތްވަރަކާއެކު ކުރަންޖެހިފައި: ރައީސް ޞާލިޙް
ލިޔުންތެރިޔާ
ޚަދީޖާ އަރުފާ
ޤައުމުގެ އެންމެހާ ކަންކަމުގައި ރައްޔިތުންނަށް ލިބިދީފައިވާ ބާރުތައް ދެމެހެއްޓުމަކީ ޖުމްހޫރިއްޔަތެއްގެ އެންމެ މުހިއްމު އަސާސް ކަމަށާ، އެ ބާރުތައް ދެމެހެއްޓުމުގެ މަސައްކަތް އާ ހިތްވަރަކާއެކު ކުރަންޖެހިފައިވާ ކަމަށް ކުރީގެ ރައީސް، އިބްރާޙީމް މުޙައްމަދު ޞާލިޙް ވިދާޅުވެއްޖެއެވެ.
ރައީސް މުޢިއްޒު މިހެން ވިދާޅުވީ، މިއަދު ފާހަގަކުރަމުންދާ ޖުމްހޫރީ ދުވަހުގެ ތަހުނިޔާއާ ހެޔޮއެދުންތައް ލޮބުވެތި ރައްޔިތުންނަށް އަރިސްކުރައްވައި އެކްސްގައި ކުރެއްވި ޕޯސްޓެއްގައެވެ.
ރައީސް ޞާލިޙް ވިދާޅުވިގޮތުގައި، ޖުމްހޫރިއްޔަތެއްގައި ދައުލަތުގެ ބާރުތައް ފެށެނީ ރައްޔިތުންގެ ކިބައިންނެވެ.
”އަދި ޤައުމުގެ އެންމެހާ ކަންކަމުގައި ރައްޔިތުންނަށް ލިބިދީފައިވާ ބާރުތައް ދެމެހެއްޓުމަކީ ޖުމްހޫރިއްޔަތެއްގެ އެންމެ މުހިއްމު އަސާސް ކަމުގަ ވީހިނދު މިއަދު މި ވަނީ މި މަސައްކަތް އާ ހިތްވަރަކާއެކު ކުރަންޖެހިފަ.“ ރައީސް ޞާލިޙް ވިދާޅުވިއެވެ.
ދިވެހިރާއްޖޭގައި ޖުމްހޫރީ ދުވަސް ފާހަގަކުރަނީ ކޮންމެ އަހަރެއްގެ ނޮވެމްބަރު މަހުގެ 11 ވަނަ ދުވަހުއެވެ. މި ދުވަހަކީ 1968 ވަނަ އަހަރު ޖުމްހޫރީ ވެރިކަމެއް އުފެދުނުތާ އަހަރުވާ ދުވަހެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
