މާކުރަތު ޒުވާނެއް ގެއްލިގެން ހޯދަނީ!

ރ.މާކުރަތަށް ނިސްބަތްވާ ޒުވާނަކު އާއިލާއަށް ޚަބަރެއްނުވެ ގެއްލިގެން ފުލުހުން ހޯދަން ފަށައިފިއެވެ.

ފުލުހުން ބުނީ، ހޯދަމުންދަނީ ރ. މާކުރަތު / ތިންތަރި، އަޙްމަދު ޝާހީން (21އ) ކަމަށެވެ.

ޝާހީން އާއިލާއަށް ޚަބަރެއްނުވެ ގެއްލިފައިވާ ކަމަށް ރިޕޯޓުކޮށްފައިވާތީ އޭނާ ހޯދުމުގެ މަސައްކަތް ފުލުހުން ކުރަމުންދާކަމަށާއި، ޝާހީންގެ ޚަބަރެއް އެންމެ ފަހުން ވެފައިވަނީ ނޮވެމްބަރު 6 ވަނަ ދުވަހު ފޯނުން ކަމަށް އޭނާގެ އާއިލާއިން ފުލުހުންނަށް މައުލޫމާތުދީފައިވާކަމަށެވެ.

އެހެންކަމުން ފުލުހުން ވަނީ، ޝާހީންގެ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން ނަންބަރު 3322111 އަށް ނުވަތަ ހުޅުމާލެ ފޭސް 2 ޕޮލިސް ސްޓޭޝަނުގެ ނަންބަރު 9393351 އަށް ގުޅުއްވައި ހިއްސާކުރުމަށް އެދިފައެވެ.