އެމްއެމްޕީއާރްސީ ޚިޔާނާތުގެ ރިޕޯޓް: ރައީސް ޔާމީންއަށް އެއް މިލިޔަން ޑޮލަރ!

އެެމްއެމްޕީއާރްސީގެ ބޮޮޑު ޚިޔާނާތުގައި އެންމެ ގިނަ އަދަދެއްގެ ފައިސާ ލިބުނު އެސްއޯއެފް ޕްރައިވެޓް ލިމިޓެޑްގެ އެކައުންޓަކުން ކުރީގެ ރައީސް އަބްދުﷲ ޔާމީންއަށް އެއް މިލިޔަން ޑޮލަރ ލިބުނުކަން ހާމަވެއްޖެއެވެ.

މިކަން ހާމަވެފައިވަނީ އޭސީސީގެ ފަރާތުން މިއަދު އާންމުކުރި އެމްއެމްޕީއާރްސީގެ ބޮޑު ޚިޔާނާތުގެ ރިޕޯޓުންނެވެ.

އެ ރިޕޯޓްގައި ވާގޮތުގައި އެމްއެމްޕީއާރްސީގެ ޚިޔާނާތުގެ ފައިސާ އެސް.އޯ.އެފް ޕްރައިވެޓް ލިމިޓެޑްގެ ނަމުގައި ބޭންކް އޮފް މޯލްޑިވްސް ޕަބްލިކް ލިމިޓެޑްގައި ހުޅުވާފައިވާ ނަންބަރު 002-700925-7701 އެމެރިކާ ޑޮލަރު އެކައުންޓަށް ޖަމާކުރުމަށްފަހު، އެ ފައިސާތައް ފޮނުވާފައިވާ އަމިއްލަ ފަރާތްތަކުގެ ތެރޭގައި ރައީސް ޔާމީންވެސް ހިމެނިވަޑައިގަންނަވައެވެ.

އެ ރިޕޯޓްގައިވާ ގޮތުގައި މޯލްޑިވްސް ިއސްލާމިކް ބޭންކްއިން ފޮނުވާފައިވާ )ލިބުނުކަމަށް ބުނާ( ބޭންކް ސްޓޭޓްމެންޓްގައި ސްޓޭޓްމެންޓް ނަގާފައިވަނީ 11އޮގަސްޓް 2013 އިން ފެށިގެން 17 ފެބްރުވަރީ 2016 އަށް ކަމަށް ބުނެފައިވެއެވެ. ސްޓޭޓްމެންޓަކީ އެ ޕީރިއަޑްގެ ސްޓޭޓްމެންޓެއް ކަމުގައިވާނަމަ ރައީސުލްޖުމްހޫރިއްޔާ ޢަބްދުالله ޔާމީން ޢަބްދުލްޤައްޔޫމްގެ ނަމުގައި ހުޅުވާފައިވާ އެމެރިކާ ޑޮލަރު އެކައުންޓު ހުޅުވާފައިވަނީ އެސް.އޯ.އެފް ޕްރައިވެޓް ލިމިޓެޑްއިން ފައިސާ ޖަމާކުރުމުގެ 6 ދުވަސް ކުރިންކަން ތަޙްޤީޤަށް ޤަބޫލްކުރެވޭކަމަށް ވަނީ ބުނެފައެވެ.

އަދި އެކައުންޓް ހުޅުވުމަށް 07 އޮކްޓޫބަރު 2015 ގައި ޖަމާކޮށްފައިވާ 250.00 ދުއިސައްތަ ފަންސާސް( އެމެރިކާ ޑޮލަރު ފިޔަވާ އެ އެކައުންޓަށް ޖަމާކޮށްފައިވަނީ އެސް.އޯ.އެފް ޕްރައިވެޓް ލިމިޓެޑްއިން ޖަމާކޮށްފައިވާ 1,000,000.00 )އެއްމިލިއަން( އެމެރިކާ ޑޮލަރު އެކަނިކަމަށްވެސް އޭސީސީން ވަނީ ބުނެފައެވެ.

އެސް.އޯ.އެފް ޕްރައިވެޓް ލިމިޓެޑްގެ އެކައުންޓުން މަތީގައި ބުނެފައިވާ މޯލްޑިވްސް އިސްލާމިކް ބޭންކްގައި ރައީސުލްޖުމްހޫރިއްޔާ ޢަބްދުالله ޔާމީން ޢަބްދުލްޤައްޔޫމްގެ ނަމުގައި ހުޅުވާފައިވާ ނަންބަރު 200-10002200-01-9901 އެމެރިކާ ޑޮލަރ އެކައުންޓަށް ޖަމާކޮށްފައިވާ 1,000,000.00 )އެއްމިލިއަން( އެމެރިކާ ޑޮލަރު ޖަމާކޮށްފައިވާ ތާރީޚަށް ބަލާއިރު މި ފައިސާ ޖަމާކޮށްފައިވަނީ ރައީސް ޢަބްދުالله ޔާމީން ޢަބްދުލްގައްޔޫމް ދަތުރު ކުރެއްވި ރިޔާސީ ލޯންޗްގައި ބޮންގޮއްވި ތާރީޚްކަމަށްވާ 28 ސެޕްޓެންބަރު 2015 ގެ ފަހުންކަން ފާހަގަކުރެވެއެވެ.